Bazar ertəsi, 01 İyun 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Nərminin qətli ilə bağlı daha bir məhkəmə qərarı açıqlandı

Tovuz rayonunun Dondar Quşçu kəndində öldürülən 10 yaşlı Nərmin Quliyevanın qətlində təqsirli bilinən İlkin Süıeymanovun barəsində seçilmiş həbs qətimkan tədbirinin artırılması ilə bağlı məhkəmə qərarından verilən şikayətə baxılıb...

Bakı Apelyasiya Məhkəməsində hakim Rəşad Abdulovun sədrliyi ilə baş tutan iclasda İlkin Süleymanovun müdafiəçisinin verdiyi apelyasiya şikayəti üzrə qərar elan olunub.

Qərara görə, İlkin Süleymanovun vəkilinin verdiyi apelyasiya şikayəti təmin olunmayıb.

Vəkil Nəsimi rayon Məhkəməsinin qərarının ləğv edilməsini, İlkin Süleymanovun həbsdən azad edilməsi barədə verdiyi şikayət vermişdi.

Qeyd edək ki, martın 19-da Nəsimi rayon Məhkəməsində hakim Azər Tağıyevin sədrliyi ilə baş tutan icasda istintaq orqanını təqdimatı üzrə qərar elan edilib.

Qərara görə, təqdimat təmin olunub və İlkin Süleymanovun barəsində seçilmiş həbs qətimkan tədbirinin müddəti 4 aya qədər artırılıb.

Xatırladaq ki, ötən il noyabrın 19-da itkin düşən Tovuz rayonunun Dondar Quşçu kənd sakini 10 yaşlı Nərmin Quliyevanın qətlə yetirilərək yandırılan meyiti bu il yanvarın 6-da kənd ərazisində aşkar edilib.

Daxili İşlər Nazirliyi, Dövlət Təhlükəsizliyi Xidməti və Baş Prokurorluğun əməkdaşlarından ibarət istintaq-əməliyyat qrupu tərəfindən cinayətin açılması istiqamətində həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində bu ağır cinayəti törətməkdə şübhəli bilinən Dondar Quşçu kənd sakini, işləməyən, 1973-cü il təvəllüdlü Süleymanov İlkin İbrahim oğlu tutularaq istintaqa cəlb edilib.

İş üzrə çoxsaylı şahidlər dindirilib, məhkəmə-tibbi, məhkəmə-bioloji, məhkəmə-kimyəvi ekspertizaları təyin edilib və digər zəruri istintaq hərəkətləri aparılıb.

İstintaq-əməliyyat qrupu tərəfindən İ.Süleymanovun yaşadığı evin həyətinə giriş qapısının və həyətə döşənmiş süni daş örtüyünün üzərindən, N.Quliyevanın saxlanıldığı otaqda olan çarpayının örtüyü və pərdənin üzərindən qanabənzər ləkələr, eləcə də iş üçün əhəmiyyət kəsb edən digər əşyalar maddi sübut kimi götürülüb.İ.Süleymanov şübhəli şəxs qismində müdafiəçinin iştirakı ilə dindirilərkən törətdiyi əməli tam etiraf edib.

İlkin Süleymanovun barəsində cinayət işi üzrə istintaq Baş Prokurorluğun Ağır Cinayətlərə Dair İşlər üzrə İstintaq İdarəsində aparılır.

İstintaq orqanı tərəfindən İlkin Süleymanovun barəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) və 145.3-cü (qanunsuz azadlıqdan məhrum etmə, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham elan edilib.

Baş Prokurorluğun Ağır Cinayətlərə Dair İşlər üzrə İstintaq İdarəsində cinayət işi üzrə istintaq davam edir.(demokrat.az)

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: Nərmin qətl


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Bakı İcra Hakimiyyətinin şöbə müdirinin milyonluq obyekti - Sənəd

“Zakir Həsənov da, Nəcməddin Sadıqov da dilimizdə danışa bilmir” - Deputat

FHN-də "budanma" başlayır - Dövlət Yanğın Nəzarəti Xidməti müstəqil quruma çevriləcək

Vahid Əhmədov həmkarları tərəfindən hədəfə götürülüb? - Deputatın çıxışı Səfər Əbiyevlə əlaqələndirilir...

Ata Abdullayev Cavid Qurbanovun "məkanında" döyülüb

Maskadan istifadə tələblərinin pozulmasına görə cərimələr müəyyənləşdi - Məbləğ

"Real TV"-nin təsisçisi, iş adamı "Qozbel İman"ın sərvəti üzə çıxdı

Siyavuş Novruzov Vahid Əhmədovu təxribat törətməkdə ittiham etdi

“Bizdə də Çindəki kimi küçədə yıxılmalar olacaq” - Professorun koronavirus təşvişi

Müdafiə Nazirliyi: Yalan danışmaq deputata yaraşmaz

Milli Məclisin rəhbərliyi Vahid Əhmədovu tənqid etdi

loading...

Ən çox oxunanalar