Bazar ertəsi, 01 İyun 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Tramp yenə hədəfi yayındırır: Kazino kapitalizmi artıq bir işə yaramır...

Marsa kosmik gəmi göndərən, kosmosdan düşmən hesab etdikləri hədəfləri aşkarlayan, nüvə arsenalını və super gücünü durmadan nümayiş etdirən ABŞ-ın həkimlər üçün həftələr boyunca 10 sentlik maska ​​və bir dollarlıq önlüklə belə təmin edə bilmədiyini bütün dünya təəccüblə izləyir...

Ufuk Söylemez

“Aydınlık” qəzeti, Türkiyə, 9 aprel 2020-ci il

ABŞ prezidenti Tramp bu ilin noyabr ayında baş tutacaq prezident seçkilərində ikinci dəfə prezident seçiləcəyinə çox inanırdı. Lakin Covid-19 pandemiyasının ABŞ vətəndaşlarına və səhiyyə sisteminə vurduğu ağır zərbə qarşısında hazırlıqsız, qeyri-kafi və uğursuz şəkildə mübarizə apardığı üçün getdikcə çətin vəziyyətə düşməyə başlayıb. Bu səbəbdən də həmişə olduğu kimi hədəfi yayındırmaq və cinayətkar yaratmaq kimi populist üsullara əl atmalı olub.

Əvvəlcə strateji hədəfi və düşməni hesab etdiyi Çinə qarşı ittihamlar irəli sürüb. Çinin pandemiya barədə vaxtında məlumat vermədiyini, rəqəmləri gizlətdiyini iddia edib və Çindən təzminat tələb etmək məqsədilə onu məhkəməyə verəcəyini deyib. Çin isə bu virusun ABŞ əsgərləri tərəfindən Çində təşkil olunan bir idman tədbiri zamanı bilərəkdən yoluxdurulduğunu iddia edib.

Bundan sonra Tramp Ümumdünya Səhiyyə Təşkilatını (ÜST) ittiham etməyə başlayıb. Bu təşkilata ən çox ABŞ-ın ödəniş etdiyini, lakin ÜST-ün Çinə daha yaxın olduğunu və onun kimi danışdığını iddia edərək ÜST-yə edilən maliyyə yardımının müvəqqəti olaraq dayandırıldığını açıqlayıb.

Afro-amerikalılara qarşı ayrı-seçkilik edilir?

Tramp daha sonra ABŞ-ın Allergiya və Yoluxucu Xəstəliklər İnstitutunun direktoru Dr. Antoni Fasi ilə birgə bildirib ki, bu virus ən çox afro-amerikalılara, yəni Afrika əsilli qaradərili amerikalılara zərbə vurub. Əlbəttə ki, bunu deyərkən irqçilik və ayrı-seçkilik ittihamlarını aradan qaldırmaq məqsədilə daha hiyləgər və ehtiyatlı açıqlamalar verməyi də unutmayıb.

Lakin qaradərili əhalinin sıx olduğu və xəstəliyə yoluxduğu Luiziana, İllinoys, Miçiqan, Nyu-Cersi və Nyu-York kimi şəhərlərdə yaşayan bu insanlar sağlamlıq xidmətlərdən çox çətinliklə istifadə edirlər, qeyri-sabit və etibarsız iş yerlərində işləmək məcburiyyətində qalırlar və tibbi yardımlardan yararlanmaq imkanları da yoxdur.

Məsələn, Luiziana ştatının qubernatoru Edvards keçən bazar ertəsi günü 512 nəfərin virusa yoluxduğunu və bu səbəblə ölənlərin 70%-dən çoxunun afro-amerikalı olduğunu bildirib. Bununla birlikdə, bir çox ağlı başında olan səlahiyyətli şəxslər bu vəziyyəti yeni bir irqçilik və ayrıseçkilik mövzusuna çevirmək üçün heç bir əxlaqi-mental və tibbi əsasın olmadığını qeyd edib. Ən azından Trampın bu vəziyyəti belə istismar edən mövqeyinə etiraz edilib.

Dini, imanı pul olan, neoliberal, vəhşi kazino kapitalizminin istehsal əvəzinə, qısamüddətli maliyyə maraqları üçün illərdir “Wall Street”dən başqa heç nəyə dəyər verməyən siyasətlərinin bu gün koronavirus pandemiyası zamanı bir işə yaramadığını görürük.

Tramp hər axşamüstü medianın qarşısına çıxaraq ABŞ ictimaiyyətinə nə qədər güclü və uğurlu olduqlarını deyərək səhiyyə sisteminin iflasını gizlətməyə çalışır.

Marsa kosmik gəmi göndərən, kosmosdan düşmən hesab etdikləri hədəfləri aşkarlayan, nüvə arsenalını və super gücünü durmadan nümayiş etdirən ABŞ-ın həkimlər üçün həftələr boyunca 10 sentlik maska ​​və bir dollarlıq önlüklə belə təmin edə bilmədiyini bütün dünya təəccüblə izləyir.

Beynəlxalq həmrəylikdən danışan Trampın Fransanın Çindən sifariş etdiyi 1.5 milyon maskanı üç qat baha qiymətə satmağa çalışması, həmçinin, Almaniyadakı Berlin əyalətinin Çindən gətirdiyi maskaları Banqoqda ələ keçirməsi ABŞ üçün böyük bir utanca çevrilib.

Təəssüf ki, ABŞ indi də BVF rəhbərliyinin alıcılıq problemi ilə üzləşən üzv ölkələri üçün ayırdığı bir trilyon dollarlıq resursa da rəhbərlik istəyir.

BVF prezidenti K. Corciyeva ötən həftə 90-a yaxın ölkənin əlavə likvidlik üçün BVF-yə müraciət etdiyini açıqlayıb: “Təməldə güclü olan, lakin hazırda çətin vəziyyətdə qalan ölkələr üçün qısamüddətli likvidlik proqramına başlayacağıq”.

Ancaq bu ödənişi fondun ən böyük səhmdarı olan ABŞ Maliyyə Nazirliyinin dəstəkləyəcəyi elan edildikdən sonra ABŞ-ın üzv ölkələr arasında obyektiv seçim edib-etməyəcəyi müzakirə olunub.

Nə olursa olsun Tramp çətin vəziyyətdədir. Artıq prezident seçkilərinin keçiriləcəyi də dəqiq deyil.

Orijinal

Tərcümə PİA.az-ındır.

Fatimə ƏLİYEVA
pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627


Şərh yazın.


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Bakı İcra Hakimiyyətinin şöbə müdirinin milyonluq obyekti - Sənəd

“Zakir Həsənov da, Nəcməddin Sadıqov da dilimizdə danışa bilmir” - Deputat

FHN-də "budanma" başlayır - Dövlət Yanğın Nəzarəti Xidməti müstəqil quruma çevriləcək

Vahid Əhmədov həmkarları tərəfindən hədəfə götürülüb? - Deputatın çıxışı Səfər Əbiyevlə əlaqələndirilir...

Ata Abdullayev Cavid Qurbanovun "məkanında" döyülüb

Maskadan istifadə tələblərinin pozulmasına görə cərimələr müəyyənləşdi - Məbləğ

"Real TV"-nin təsisçisi, iş adamı "Qozbel İman"ın sərvəti üzə çıxdı

Siyavuş Novruzov Vahid Əhmədovu təxribat törətməkdə ittiham etdi

“Bizdə də Çindəki kimi küçədə yıxılmalar olacaq” - Professorun koronavirus təşvişi

Müdafiə Nazirliyi: Yalan danışmaq deputata yaraşmaz

Milli Məclisin rəhbərliyi Vahid Əhmədovu tənqid etdi

loading...

Ən çox oxunanalar