“Kişi və qadın necə bərabər ola bilər ee?” deyib fiziki bərabərlikdən danışılır

 

“Ölkədə 20 ildir, gender mövzusunda danışılır, qadın və kişi bərabər hüquq və imkanlara sahib olmalıdır deyilir, siyasətdə və ictimai həyatda qadınların rolunun artırılmasının vacibliyi vurğulanır. Bunun üçün milyonlarla qrant ayrılır, xərclənir. İllər sonra görürük ki, normalda bu kimi məsələlərə liderlik etməli olan partiya sədrlərinin bəziləri, bir çox ictimai siyasi şəxslər gender mövzusunun fəlsəfəsini nəinki başa düşməyiblər, bu kimi pozitiv ideyalara qarşı döyüşün önündədirlər”.

Bunu Müsavat Partiyası başqanının müavini Səxavət Soltanlı deyib.

““Kişi və qadın necə bərabər ola bilər ee?” deyib hey fiziki bərabərlikdən danışılır. Hansı ki, fiziki baxımdan heç kişilər də biri biri ilə bərabər deyillər. Qadınlar da o cümlədən. “Kişilər fiziki baxımdan qadınlardan güclü olduğu üçün qadın və kişi arasında bərabərlik işarəsi qoymaq olmaz”mış deyən şəxsdən daha yüksək fiziki gücə sahib milyonlarla qadın var dünyada. Ağırlıq qaldırma üzrə milyonlara qadın var ki, 100 milyonlarla kişidən daha güclüdür. Məsələ isə çox sadədir. Gender (Qadın və Kişi bərabərliyi) məsələsinin mahiyyəti, fəlsəfəsi qadın və kişilərin fiziki deyil, hüquq və imkanlara eyni dərəcədə sahib olması deməkdir” – S.Soltanlı qeyd edib.

pia.az