Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Ukrayna heç bir ölkədə seçki prosesinə təsir göstərmək istəmir” – Zelenski

Ukrayna Prezidenti Vladimir Zelenski ABŞ-ın keçmiş vitse-prezidenti Co Bayden və Ukraynanın sabiq prezidenti Petro Poroşenko arasında baş tutan telefon danışığının ötən ay mətbuata sızdırılmasında iştirakı ilə bağlı fikirlərin doğru olmadığını bildirib...

V. Zelenski “Skype” vasitəsilə Britaniyanın “Telegraph” nəşrinə müsahibəsində deyib ki, bu qalmaqalın Ukraynanın ABŞ-la strateji müttəfiqliyini pozmasını arzulamır.

“Niyə Ukraynanı yenidən bu məsələyə çəkmək lazımdır? İndi həm ABŞ Konqresi, həm də Senatla ikitərəfli yaxşı əlaqələrimiz var və onlar bizə dəstək verir. Həmçinin ABŞ Prezidenti bizi dəstəkləyir. Bu səsyazmalar prioritet deyil. Ukrayna heç bir ölkədə daxili və xarici siyasi vəziyyətə və ya seçki prosesinə təsir göstərmək istəmir. Biz müstəqil dövlətik. Amerika Birləşmiş Ştatları müstəqil bir ölkədir”, – deyə Ukrayna Prezidenti vurğulayıb.

Zelenski C. Bayden və P. Poroşenko arasında telefon danışığının təfərrüatı haqda məlumatsız olduğunu bildirib.

“Məni maraqlandıran yeganə məqam budur ki, necə olub Ukrayna prezidentinin ofisini dinləmək və lentə almaq mümkün olub”, – deyə o qeyd edib.

Qeyd edək ki, P. Poroşenko bu səs yazmaların mediaya sızdırılmasında V. Zelenskinin rolu olduğunu bildirib.

Xatırladaq ki, ötən ay ABŞ Prezidenti Donald Trampın vəkili Rudi Giuliani ilə yaxın əlaqələri olan ukraynalı deputat Andrii Derkaç 2015-ci ildə Bayden və Poroşenko arasında baş tutan telefon danışığını stenoqramını dərc edib.

Stenoqramdan aydın olur ki Co Bayden 1 milyon dollar dəstək müqabilində Ukraynanın o zamanı baş prokuroru olmuş Viktor Şokinin vəzifəsindən azad olunmasını istəyib.

Derkaç iddia edib ki, bu səsyazma C. Baydenin P. Poroşenkoya təzyiq göstərdiyini sübut edir. Ukraynalı deputat deyib ki, C. Bayden idarə heyətində öz oğlu Hanter Baydenin olduğu Ukrayna şirkətinə qarşı açılan istintaq işinin dayandırılmasını P. Poroşenkodan istəyib. (apa)

pia.az


Etiket: Zelenski


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Qədr gecəsinin əməlləri: “İmkanı olanların süfrə açması məsləhətdir” 

Bakıda “Prius”ların kütləvi satışına başlanıldı - Foto    

Ən çox oxunanalar