"Əksəriyyət koronavirusla məzələnir"...
"Tanıdığım bir xanım mənə zəng edib yalvarıb ki, bu gün bir oğlunu dəfn edib, rayondadır, indi də o biri oğlu ağır vəziyyətdə, yüksək hərarət və öskürəklə Bakıda, evdədir. Təcili tibbi yardımla əlaqə saxlayıram. Xəstədən yaxma götürüb müayinəyə veriblər və nəticəni gözləyirlər. Zənglər həddindən artıq çox olduğundan həkimlər çatdıra bilmirlər. Bunu ona görə diqqətinizə çatdırıram ki, karantin qaydaları yumşalandan sonra hamımız sanki, heç nə olmamış kimi davranmağa başladıq. Maksimum ehtiyatlı olmaq, karantin qaydalarına riayət etmək və sağlamlığımıza diqqət yetirmək lazımdır".
PİA.az-ın xəbərinə görə, bunu hüquqşünas Aslan İsmayılov deyib.
"Bu gün əksəriyyət dünyada tüğyan edən koronavirusla məzələnir, yeyib-içmək məclislərindən fotolar qoyub “koronavirusla bu cür mübarizə aparırıq” deyirlər.
Ən dəhşətlisi bu gün “metroda insanlar polisi belə qovdular” başlıqlı videonun paylaşması idi. Videoda baş verənlər bizim nadanlığımızı, savadsızlığımızı göstərir. Qayda-qanuna riayət etmədiyinə görə hakimiyyəti topa tutduğumuz halda polisə qarşı bu cür davranmaqla özümüzün nə qədər düşüncəsiz olduğumuzu göstəririk. Bu yolverilməzdir. Odla oynamaq olmaz! Vəziyyətin kritik həddə olduğunu anlamaq, qayda-qanuna riayət etmək, bizim təhlükəsizliyimiz üçün vəzifəsini yerinə yetirən polislərə, həkimlərə qarşı hörmətlə və səbrlə davranmaq lazımdır" - A.İsmayılov qeyd edib. (Pravda.az)
pia.az
Digərxəbərlər
Populyar xəbərlər
