Çərşənbə axşamı, 04 Avqust 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Parlament jurnalistləri Prezidentə təşəkkür etdi

Parlament Jurnalistləri Birliyi Azərbaycan Prezidenti İlham Əliyevə təşəkkür məktubu ünvanlayıb...

Məktubda deyilir:

"Möhtərəm cənab Prezident!

Azərbaycan Milli Mətbuatının 145 illik yubileyinin keçirilməsi haqqında imzaladığınız Sərəncam media ictimaiyyəti arasında böyük rəğbət, ehtiram və məmnunluqla qarşılanıb.

Parlament Jurnalistləri Birliyi olaraq bu Sərəncamı Sizin həm mətbuatımızın tarixi missiyasına, həm də mediamızın müasir cəmiyyətdəki roluna və gələcəyinə verdiyiniz dəyərin növbəti nümunəsi kimi qiymətləndiririk. Xüsusilə, dünyanın, eləcə də ölkəmizin COVID-19-la mübarizə apardığı indiki çətin zamanda, şərəf tariximizin bu əlamətdar hadisəsinə diqqət göstərməyiniz media ictimaiyyətində peşəsinə bağlılığı və sabaha inamı daha da artırır. Bu, bir daha Sizin rəhbərliyinizlə dövlətimizin daim jurnalistlərin yanında olduğunun, Azərbaycanda söz azadlığı və media qurumlarının inkişafının prioritet məsələ sayıldığının əyani göstəricisidir.

Hörmətli cənab Prezident!

Sizin rəhbərliyinizlə indiyədək ölkəmizdə medianın inkişafı istiqamətində çox ciddi addımlar atılıb. Kütləvi İnformasiya Vasitələrinin İnkişafına Dövlət Dəstəyi Fondunun yaradılması, jurnalistlərin mənzil-məişət şəraitinin yaxşılaşdırılması məqsədilə dövlət büdcəsindən ayrılan vəsait hesabına media nümayəndələri üçün yaşayış binalarının tikilməsi, mətbuatımızda xidmətləri olan həmkarlarımızın mükafatlandırılması kimi addımlar bu qəbildəndir.

Azərbaycan Milli Mətbuatının 145 illik yubileyinin keçirilməsi ilə bağlı imzaladığınız Sərəncamda müvafiq qurumların, o cümlədən jurnalist təşkilatlarının qarşısında konkret vəzifələr qoymusunuz, həmçinin mətbuatın inkişafında xüsusi xidmətləri olan jurnalistlərin mükafatlandırılması haqqında təkliflərin verilməsini tövsiyə etmisiniz. Bu etimadı, jurnalist təşkilatlarının cəmiyyət həyatındakı rolunun artırılmasına Sizin tərəfinizdən verilən bir təkan kimi qiymətləndiririk.

Cənab Prezident!

Biz jurnalistlərə, jurnalist təşkilatlarına verdiyiniz dəyərə və etimada görə özündə ölkənin əksər media qurumlarının təmsilçilərini birləşdirən Parlament Jurnalistləri Birliyi adından Sizə dərin təşəkkürümüzü bildiririk!

Bildiririk ki, Azərbaycan dövlətinin inkişafı və torpaqlarımızın azadlığı yolunda apardığınız yorulmaz mübarizədə, Azərbaycan həqiqətlərinin, haqlı mövqeyimizin dünyaya çatdırılmasında PJB olaraq dövlətimizin yanındayıq!".

pia.az


Etiket: jurnalistlır


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Heydərovun oğlunun orta məktəbində illik təhsil haqqı 15 min manatdır

Naxçıvanda “korrupsiyanın buynuzu”: Gömrükçülər 131% artıma necə nail ola biliblər?

Elçibəy Əhmədzadəni kimin xahişi ilə komitə sədri təyin edib?

Sərt karantin rejimi avqustun 5-də bitir? - Rəsmi açıqlama

“Ramiz Mehdiyev xalqı aşağılamaq məqsədilə ilə Hafiz Hacıyevi, Araz Əlizadəni seçkilərdə namizəd etdi”

Ekstrasens Məlahət tapıldı və elə şeylər dedi ki...Yeni foto

Gömrük Komitəsinin birinci müavini casusların himayəçisidir? - Yeni detallar

İki rayon sərt karantin rejimi zonasından çıxarıldı, bir rayon yenidən daxil edildi

Rayonlara gediş-gəliş yalnız bu halda mümkündür - Rəsmi

loading...

Ən çox oxunanalar