“Elmar Məmmədyarov təmiz ailədən çıxıb" - Qohumu

Rəna İbrahimbəyova bildirib ki, Elmar Məmmədyarov və övladlarının xaricdə biznesi haqqında yayılan məlumatlar həqiqəti əks etdirmir: "Bu cür xəbərləri oxuyanda çox pis oluram. Bunların hamısı təxribat və cəfəngiyyat yazılardır. Görünür ki, bu cür təxribat və yalan xarakterli yazıları kimlərsə məqsədli şəkildə ortaya atıblar. Mən bu cür boş söhbətlərə münasibət bildirmək belə istəmirəm. Elmar müəllim tanınmış ailənin üzüvüdür, onun atası akademikdir, tanınmış alimdir. Elmar müəllimin babası Fuad İbrahimbəyov da tanınmış adamdır. Onun yoldaşının babası görkəmli alim Abdulla Qarayevdir. Bunların hamısı əsilli, köklü insanlardır. Yəni, Elmar müəllimin ailəsi təsadüfi adamlar deyil. Elmar Məmmədyarov təmiz ailədən çıxıb".

Rəna İbrahimbəyova deyib ki, Elmar Məmmədyarovun övladları da özü kimi qanacaqlı insanlardır:

"Elmar Məmmədyarovun övladları haqqında yazılanların hamısı təxribatdır. Mənə elə gəlir ki, bütün bu işləri Azərbaycanın düşmənləri təşkil edir. Çünki 10 gün bundan əvvəl Azərbaycan diplaomatiyası növbəti böyük uğurlara imza atmışdı. Bu cür məlumatlar da həmin vaxtdan sonra yayılmağa başladı. Görünür ki, Azərbaycanın uğurlarını istəməyən qüvvələr Elmar Məmmədyarova qarşı hücumla təşkil edirlər. Hətta ola bilsin ki, bunun arxasında erməni barmağı da var".(Demokrat.az)

pia.az