"Rəsulzadənin adını Əli Kərimli ilə eyniləşdirmək..." - Razi Nurullayev

“Rəsulzadə böyük şəxsiyyətdir və onunla eyniləşmək üçün gərək nəsə qurub yaradasan. O, ADR-i yaradıb. Elçibəy isə milli-azadlıq hərəkatının lideri olub. İqtidar Heydər Əliyevin müasir Azərbaycanın memarı olduğunu deyir. Xoşumuz gəldi-gəlmədi bu şəxsiyyətlər qurucudur, adlarını silinməmək şərti ilə tarixə yazıblar”.

PİA.az-ın xəbərinə görə, bunu deputat Razi Nurullayev deyib.

R.Nurullayev qeyd edib ki, Rəsulzadənin adını Əli Kərimli ilə eyniləşdirmək milyonlarla Rəsulzadə sevərlərin qəlbini incitmək və dünyasını dəyişmişlərin ruhunu narahat etməkdir: “O, nə yaradıb, nə qurub? Əli Kərimli radikal, barışmaz müxalif siyasətin önündə gedənlərdən biridir. Buna da etiraz edən yox. İstəyir on qat daha radikal olsun. O da onun siyasi xəttidir, belə siyasətdən zövq alır. Onsuz da Azərbaycanda siyasət eybəcərdir, onu daha da eybəcərləşdirmək və gözdən salmaq lazım deyil”.(Pravda.az)

pia.az