ABŞ-ın ÜST-dan çıxması nəyi dəyişəcək?

 Bununla bağlı artıq rəsmi qərar elan olunub və BMT məlumatlandırılıb.

ABŞ hökuməti və ÜST arasında gərginlik bu ilin yazında qeydə alınıb. Vaşinqton bu qurumu pandemiya ilə əlaqədar ölkələri vaxtında xəbərdar etməməkdə, Çinə dəstək verməkdə ittiham edir.

Hazırda pandemiyanın davam etdiyi bir vaxtda bu qərar Ümumdünya Səhiyyə Təşkilatının fəaliyyətinə necə təsir edəcək? Ümumiyyətlə, ÜST pandemiya dövründə nə dərəcədə faydalı bir qurum kimi özünü göstərdi?

“Atlas” Araşdırmalar Mərkəzinin rəhbəri, politoloq Elxan Şahinoğlu bildirib ki, Cində virus yayılan ilk günlərdən Ümumdünya Səhiyyə Təşkilatı ilə bağlı sulların sayı artmaqdadır.

"Birincisi, ÜST virusun təhlükəliyini ilk gündən müəyyənləşdirə bilmədi. Əksinə, Cinlə əlbir olaraq açıqlamalar verilirdi ki, guya bu virus qorxulu deyil, insandan-insanaya yayılmır. Cinlə həm də o məsələdə əlbir oldular ki, proses gecikdirildi, vaxtında üstünə düşülmədi. Beləliklə də virus bütün dünyaya yayıldı. Amerika prezidenti ilə yanaşı, digər ölkələrin prezidentləri zaman-zaman ÜST-ü tənqid etməyə başladılar", - deyə politoloq qeyd edib.

Exan Şahinoğlu hesab edir ki, ABŞ Prezidenti Donald Tramp daha qətiyyətli addımlar atır:

"Amerka bu təşkilatı tərk edəcəyini açıqladı. Bu qərar ÜST üçün böyük zərbədir. Çünki əsas sponsorlarlardan biri Amerika Birləşmiş Statıdır, 10 milyonlarla dollar ayırırdı. ÜST bu maliyyə hesabına həm işçilərini saxlayır, həm də müəyyən çalışmalar həyata keçirirdi. İndi bundan məhrum oldu".

Politoloqun fikrincə, daha bir neçə ölkə də ÜST-ü tərk edə bilər:

"Ondan sonra təşkilatın vəziyyəti daha da ağırlaşacaq. Əgər təşkilat yenidən qurulsa, rəhbərlik dəyişsə, ona inam yenidən bərpa oluna bilər. Amma hazırda bu təşkilata inam qalmayıb. Bu buraxılmış səhvlər dünya ölkələrinə baha başa gəldi. Ölənlərin sayı 500 mini ötdü. Dünya iqtisadiyyatı bərbad hala düşdü. Buna görə ÜST məsuliyyət daşıyır".

pia.az