Ermənistan Azərbaycandan şikayət etdi: KTMT təcili toplanır

Azərbaycan ərazilərinə qarşı təcavüz edən Ermənistanın xarici işlər naziri Zoqrab Mnatsakanyan bu gün səhər Kollektiv Təhlükəsizlik Müqaviləsi Təşkilatı (KTMT) baş katibi Stanislav Zasa zəng edib.

Erməni nazir baş katibi Ermənistan-Azərbaycan sərhədində baş verən hadisələrlə bağlı məlumatlandırıb. O, həyasızcasına quruma üzv ölkəyə qarşı “təxribatların” olmasından şikayətlənib.

Bundan sonra KTMT-nin mətbuat xidməti məlumat yayıb ki, S.Zas Bakı və İrəvan arasındakı gərginliyə görə, qurumun təcili iclasının keçirilməsinə qərar verib. “İyulun 12-də Ermənistan-Azərbaycan sərhədində vəziyyətin gərginləşməsi, Tavuş vilayət istiqamətindəki toqquşmalarla əlaqədar olaraq Stanislav Zas 13 iyulda KTMT-nin daimi şurasının təcili iclasının çağırılmasını qərara alıb”,- deyə rəsmi açıqlamada deyilir.(musavat.com)

pia.az