Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

ETSN “Günəş”ə cəza kəsib - Fotolar

Heyvanların saxlanmasına dair icazə sənədi olmayıb...

İsmayıllı-Qəbələ yolunda yerləşən “Günəş” istirahət mərkəzində müştəri cəlb etmək üçün vəhşi heyvanlar nümayiş etdirilir. Bununla bağlı məlumatı iyulun 30-da eko-aktivist Cavid Qara “Ecofront” səhifəsində yayımlamışdı.

Məlumatda deyilirdi ki, sözügedən ərazidə 1 meymun, 4 dəvə, 3 maral, 1 zebra, 1 dəvəquşu və başqa heyvanlar saxlanılır: “Meymunun bir gözündə problem var, dəvənin biri arıqlığından ayaqüstə qırxı çıxır. Əksər heyvanlar tək qalıb. Heyvanlar haqqında heç bir məlumat və bələdçi yoxdur, bildiyon əsir düşərgəsi”.

Cavid Qara restoranlarda müştəri cəlb etmək üçün vəhşi heyvanların nümayişinin barbarlıq olduğunu, bu cür məkanları baykot etmək və qınamaq lazımdır deyə bildirirdi: “Kimin pulu və əlaqələri varsa, hansı heyvanı, necə istəsə, saxlaya bilərmi? Bu, necə tənzimlənir? Bunu niyə edirsiz axı? Bu heyvanlar yazıq deyil? Bir də yolüstü kabab və qutab verən xüdmani bir kafe var – "Əl-üstü kabablar". Orada da bir dəvəni yolun qırağında ağaca bağlayıblar ki, qonaqlar görüb dayansın. Ümid edirik, ETSN (Ekologiya və Təbii Sərvətlər Nazirliyi – red.) “Yaşıl Ada”da olduğu kimi bu biabırçılığın da qarşısını alacaq”.

Məlumatda, həmçinin “Günəş” restoranının meşə fondu ərazisində icarə müqaviləsi ilə fəaliyyət göstərdiyi və əsaslı tikintiyə icazə olmasa da, əsaslı tikinti işləri apardığı qeyd edilirdi.

O zaman məsələ isə bağlı ETSN-in mətbuat xidmətindən AYNA-ya bildirilmişdi ki, məsələ araşdırılacaq. Bu gün növbəti dəfə Nazirliklə əlaqə saxladıq. Oradan öyrəndiyimizə görə, İsmayıllı rayonu "Günəş Park" restoranında heyvanların qəfəsdə saxlanılması ilə bağlı şikayət Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.

Xidmətin rəis müavini Ramal Bağırov bildirib ki, aparılan araşdırma zamanı sözügedən istirahət mərkəzində qəfəslərdə saxlanılan zebra, dovşan, dəvə, meymun, maral, tovuzquşu, qırqovul və dəvəquşunun xaricdən gətirilməsinə dair rəsmi təsdiqedici sənədlərinin olduğu, lakin saxlanılması üçün müvafiq icazə sənədinin olmadığı məlum olub: “Faktla bağlı istirahət mərkəzinin rəhbəri Sərxan İsgəndərov barəsində akt, protokol tərtib olunub və o, 2000 manat məbləğində cərimə edilib. Zooloji kolleksiyanın yaradılması məqsədilə icazə sənədinin alınması üçün restoran sahibinə icrası məcburi olan “məcburi göstəriş” verilib”. 

Məlumatda o da vurğulanıb ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

Fotolar

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

Azneft”in baş direktoru vəzifəsindən azad edildi - Yeni təyinat

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

Ən çox oxunanalar