“Payızda koronavirus infeksiyası zirvə həddində olmayacaq” - Ekspert

Professor: “Koronavirusun ikinci dalğasının birinci dalğa kimi intensiv, güclü, ağırlaşdırıcı fəsadlı olması gözlənilmir”.

Bu sözləri tibb elmləri doktoru Adil Qeybulla koronavirus infeksiyasının payızda ikinci dalğası olacağı iddiasını PİA.az şərh edərkən qeyd edib.

Bildiyimiz kimi koronavirusun artıqq bir çox ölkələrdə azalma ilə müşahidə olunur. azərbaycanda aylardan sonra yoluxma sayı son iki gündür 100-dən aşağıdır.

Ölkədə virusdan həlak olanların sayı da azalmaqdadır. Avqustun əvvəlində gündə 5-dən yuxarı olan mövcud ölüm statistikası hazırda 2-yə qədər azalıb.

Amma buna baxmayaraq infeksiyanın payızda ikinci dalğasının olacağı da bildirilir. Bu narahatlıq nə qədər əsaslıdır və payızda infeksiyanın zirvə həddində olmasını gözləniləndir?

Mövzunu PİA.az-ın əməkdaşı tibb elmləri doktoru, professor Adil Qeybulla ilə müzakirə edib.

Adil Qeybulla: “Əgər biz karantin qaydalarını gözləsək payızı yaxşı keçirdəcəyik”.

İnsanların davranışlarından çox şeyin asılı olduğunu düşünən professor PİA.az-a açıqlamasında əlavə edib ki, karantin qaydalarına riayət edilsə payızı yaxşı keçirdəcəyik. Əks təqdirdə daha ağır surprizlərlər üzləşə bilərik:

“Payızda koronavirus infeksiyası zirvə həddində olmayacaq. Payız ayında infeksiyasının ikinci dalğası ola bilər. Yəni virusun birinci dalğası ölkədə sönəndən sonra ikinci dalğası başlaya bilər.

Qeyd edim ki, koronavirusun ikinci dalğasının birinci dalğa kimi intensiv, güclü, ağırlaşdırıcı fəsadlı olması gözlənilmir. Çünki virusun özü artıq xeyli zəifləyib. Sadəcə olaraq insanların davranışlarından çox şey asılıdır. Əgər biz karantin qaydalarını gözləsək payızı yaxşı keçirdəcəyik. Yox əgər karantin qaydalarını gözləməsək təbii ki, daha ağır surprizlərlər üzləşə bilərik”.

Nərminə UMUDLU
pia.az