İran parlamentində Dağlıq Qarabağdakı vəziyyət müzakirə olunub

“Dağlıq Qarabağ probleminin ən optimal yolu dialoqdur”.

APA-nın Tehran bürosunun məlumatına görə, bunu İran parlamentinin Milli Təhlükəsizlik və Xarici Siyasət Komissiyasının sözçüsü Əbülfəz Əmuyi deyib.

Ə. Əmuyi qeyd edib ki, parlamentin Milli Təhlükəsizlik və Xarici Siyasət Komissiyasının çərşənbə günü keçirilən iclasında bölgədə gedən son proseslər, o cümlədən Qarabağ bölgəsində davam edən hərbi əməliyyatlar müzakirə olunub.

O, təmsil olunduğu komissiyanın Dağlıq Qarabağ münaqişəsi tərəflərini təmkinli olmağa çağırdığını vurğulayıb: “İran İslam Respublikası mübahisələrin həllində ən qısa müddətdə irəliləyişə nail olmaq üçün vasitəçiliyini elan etməlidir. Xarici İşlər Nazirliyindən də regionda cərəyan edən proseslərdə fəal iştirak etməsini və Qarabağ bölgəsindəki toqquşmaların dərhal başa çatması və münaqişənin dayandırılmasına kömək etməsini gözləyirik”.

pia.az