Şirvan Şəhər İcra Hakimiyyətinin mətbuat xidməti bildirir ki, son günlərdə yolu Şirvan şəhərinin Şəhidlər Xiyabanından düşənlər müqəddəs məkanda böyük işçi qüvvəsinin necə sürətli və gərgin işlədiyinin şahidi olurlar. İstər rəhbər, istər xidməti işçilər olsun, fərqi yoxdur, hər kəs şəhidlərimizin uyuduğu ziyarətgahın abadlaşması üçün əlindən gələni edir.
Vətənimizin müstəqilliyi və ərazi bütövlüyü uğrunda canlarından keçmiş igid oğullarımızın xatirəsinin əbədiləşdirlməsi həm torpaqlarımızın necə canlar bahasına geri alındığını unutmamaq, həm də gələcək nəsillərin onları hörmət və ehtiramla yad etməsi üçün çox əhəmiyyətlidir. Ona görə də Şirvan Şəhər İcra Hakimiyyəti müqəddəs Şəhidlər Xiyabanında aparılan təmir-bərpa işlərinə xüsusi həssaslıqla yanaşır.
Xiyabanda xeyli iş görülüb. Belə ki, Vətən müharibəsi şəhidlərinin məzarüstü abidələrinin quraşdırılması xiyabanın gediş-gəliş hissəsinə yeni tamet üzlük döşəmə plitələrin düzülməsi, bardyurların düzəldilməsi işləri sürətlə davam etdirilir. Şəhidlər xiyabanınının hasarında suvaq işləri tamamlanıb, Xiyabanın işıqlandırılması üçün əlavə 20 ədəd işıq dirəkləri quraşdırılıb. Giriş qapısının üzərində Azərbaycan Respublikasının şanlı üçrəngli bayrağı ucaldılıb, qapının bayır hissəsində dekorativ güllər əkilmiş sahənin kənarına üzlük düzülüb. Xiyabanın torpaq ərazisi şumlanır, ağaclar budanır və ağardılır, ərazidə dekorativ ağac və kollardan yaşıllıq zolaqları salınır. Əbədi Məşəl abidə kompleksində təmir işlərinə başlanıb.
Şəhidlər Xiyabanınadək 2,5 km piyadalar üçün səkinin salınması işləri yekunlaşmaq üzrədir. Artıq monolit tökmə bordyurlar düzəldilib, asfaltlanma işləri görülür.
Şəhər rəhbərliyi mütəmadi olaraq gün ərzində Şəhidlər Xiyabanında görülən işlərlə yerində tanış olur, müvafiq tövsiyələrini verir. Xiyabanda aparılan abadlıq və təmir-bərpa işlərinin qısa zamanda yekunlaşması və ziyarətçiləri qarşılaması nəzərdə tutulur.
Şirvan sakinləri şəhərin müxtəlif ərazilərində görülən işlərə, qəbul edilən qərarlara, vaxtında atılan addımlara görə Ulu Öndər Heydər Əliyevin siyasi davamçısı, regionun güclü dövlətinin lideri Azərbaycan Respublikasının Prezidenti, Qalib Ali Baş Komandan cənab İlham Əliyevə, dövlətimizin çiçəklənməsində onunla çiyin-çiyinə mübarizə aparan hörmətli Mehriban xanım Əliyevaya dərin minnətdarlıqlarını ifadə edir və hər zaman bir yumruq kimi birləşdiklərini bildirirlər.
pia.az
Fotolar
Digərxəbərlər
Populyar xəbərlər
