MN: Elxan İbrahimov vəzifəsinin icrasını davam etdirir - Yenilənib

Bəzi elektron media resurslarında polkovnik Elxan İbrahimovun Tibb Baş İdarəsinin rəisi vəzifəsindən azad edilməsi ilə bağlı məlumat yayılıb.

Bildiririk ki, polkovnik Elxan İbrahimov əvvəl olduğu kimi hazırda da Tibb Baş İdarəsi rəisinin müavini vəzifəsindədir. Tibb Baş İdarəsinin rəisi vəzifələrinin icrası müvəqqəti olaraq polkovnik Firuddin Nəbiyevə həvalə edilib.

***

Müdafiə Nazirliyi Tibb Baş İdarəsinin rəis əvəzi, polkovnik Elxan İbrahimov tutduğu vəzifədən azad edilib. 

PİA.az xəbər verir ki, HİT.Az-a daxil olan məlumatda Elxan İbrahimovun işdən çıxarılmasının səbəbləri açıqlanmır. Amma bəzi ehtimallara görə, bu, onun qeyri-qənaətbəxş fəaliyyətilə əlaqəlidir. 

Qeyd edək ki, Elxan İbrahimov general-mayor Natiq Əliyevi əvəz edirdi. Natiq Əliyev ötən ilin iyununda ehtiyata buraxılıb.

İnternet resursları Elxan İbrahimov barədə neqativ məlumatlarla zəngindir. Onun müdafiə naziri Zakir Həsənovun qohumu olması da həmin məlumatlar sırasındadır. 

HİT.Az Elxan İbrahimovun işdən çıxarılması barədə xəbəri Müdafiə Nazirliyi ilə dəqiqləşdirmək istəsə də, mümkün olmayıb.

pia.az