Prezident əlavə edib ki, bu il dövlət şirkətlərinin özəlləşdirilməsi olmayacaq...
“Azərbaycanda dövlət şirkətlərinin idarəetməsi axsayır, müasir tələblərə cavab vermir”
Prezident İlham Əliyev fevralın 26-da yerli və xarici media nümayəndələri üçün keçirdiyi mətbuat konfransında Azərbaycanda dövlət şirkətlərinin idarəetməsinin axsadığını, müasir tələblərə cavab vermədiyini deyib:
“Bu idarəetmə büdcədən pulların “sağılması” üçün istifadə olunur. Belə davam edə bilməz”.
Prezident həmçinin bunun qarşısını almaq üçün dövlət şirkətlərində idarəetmə sisteminin təkmilləşdirilməsi üçün İnvestisiya Holdinqinin yaradıldığını söyləyib:
“Dövlət şirkətləri dövlətin boynunda olan böyük yükdür. SOCAR da bu yaxınlara qədər qazlaşdırmaya görə dotasiya alırdı. Belə ola bilməz”.
İ. Əliyev qeyd edib ki, bu şirkətlərin əksəriyyəti səmərəsizdir:
“Rəhbərliyin möhkəmləndirilməsi, idarəetmənin təkmilləşməsi baxımından kim yeni qaydalarla dürüst, şəffaf işləmək istəməsə məsuliyyətə cəlb olunacaq”.
pia.az