“Akkuyu” AES-in üçüncü blokunun inşasına başlanması münasibətilə Rusiya və Türkiyə prezidentləri Vladimir Putinlə Rəcəb Tayyib Ərdoğan arasında telekörpü hazırlanır.
Bunu Rusiya Prezidentinin mətbuat katibi Dmitri Peskov deyib.
“Bəli, doğrudan da “Akkuyu” AES-in üçüncü blokunun əsas tikinti mərhələsinin başlanğıcına həsr olunmuş bir mərasim hazırlanır. Həmçinin, prezidentlər Putinlə Ərdoğan arasında telekörpü təşkil etmək nəzərdə tutulub”, - Peskov əlavə edib.
O, bu yaxınlarda dövlət başçılarının videokonfransı müzakirə etdiklərini də vurğulayıb. Həmçinin bildirib ki, telekörpüdə başqa məsələlərə dair danışıqların aparılması gözlənilmir.(virtualaz.org)
pia.az