Çempionlar Turu: Rəcəbov və Məmmədyarov iştirakçılar sırasında - Siyahı

Dünya çempionu Maqnus Karlsenin təşkil etdiyi Çempionlar Turunun IV mərhələsində iştirak edəcək şahmatçıların adları açıqlanıb.

Turnirdə Azərbaycanı Teymur Rəcəbov və Şəhriyar Məmmədyarov təmsil edəcək.

IV mərhələdə 16 şahmatçının iştirakı nəzərdə tutulub. Bunlardan 14-nün adı artıq məlumdur.

Digər 2 şahmatçı isə Nils Qrandelius (İsveç), Aryan Tari (Norveç), Alan Piçot (Argentina) və Maks Varmerdamın (Niderland) iştirakı ilə bu gün keçiriləcək təsnifat yarışından sonra bəlli olacaq.

Qeyd edək ki, martın 13-də start götürəcək əsas mərhələnin ümumi mükafat fondu 220 min ABŞ dollarıdır. Yarış martın 22-dək davam edəcək.(report)

pia.az