Bakı şəhərindəki dövlət məktəbəqədər təhsil müəssisələrinin fəaliyyəti davam edir.
Bakı Şəhər Məktəbəqədər Təhsil Müəssisələri və Uşaq Evləri İdarəsindən APA-nın sorğusuna cavab olaraq bildirilib ki, bağçalarda çalışan işçi heyətin qısa müddət ərzində tam tərkibdə peyvənd olunması ilə bağlı tapşırıq verilib.
***
Aprelin 5-də Bakıda fəaliyyət göstərən uşaq bağçaları bağlanıb.
Oxu.Az-ın məlumatına görə, bağçalardan valideynlərə bildiriblər ki, bu gündən etibarən işləmirlər.
Paytaxtda fəaliyyət göstərən bağçalar Bakı Şəhər İcra Hakimiyyətinin balansında olduğundan bir neçə gün əvvəl Təhsil naziri Emin Əmrullayevin bağçaların bağlanmaması barədə açıqlama verməsi əhali arasında müzakirəyə səbəb olub.
Qeyd edək ki, Təhsil Nazirliyi mövcud pandemiya şəraiti ilə əlaqədar olaraq, növbəti həftədən etibarən tədrisin təşkili ilə bağlı yeni normaların tətbiqi barədə qərar verib.
Belə ki, aprelin 5-dən Bakı, Sumqayıt, Gəncə, Şəki şəhərləri və Abşeron rayonunun ümumi təhsil müəssisələrində tədris və təlim-tərbiyə prosesinin distant (məsafədən) formada təşkili nəzərdə tutulur.
Digər şəhər və rayonlarda isə tədris sanitar-gigiyenik tələblərə əməl edilməklə qismən əyani formada davam etdiriləcək.
pia.az
Digərxəbərlər
Populyar xəbərlər
