Baku TV-nin hərbi müxbiri Fərdin İsazadə “Qarabağ Xronikası” proqramının XXIV buraxılışında erməni dəyirmanına su tökənlərdən söz açıb.
O, 12 aprel tarixində Bakıda istifadəyə verilmiş Hərbi Qənimətlər Parkında sərgilənən eksponatlara qarşı çıxanları qınayıb.
“Deməli, bir qrup “humanist” Azərbaycana qarşı informasiya cəbhəsi açıblar. Əllərinə yeni mövzu, şans düşüb. Erməni mətbuatına müsahibələr paylayıb, Azərbaycanı aşağılayır, qələbəyə kölgə salırlar. Humanizm, etik davranış olub bunların “meyarı”,- deyə jurnalist qeyd edib.
O vurğulayıb ki, humanizmdən öncə bizim qan yaddaşımız var və bunun üzərindən xətt çəkməklə sağlam gənclik yetişdirə bilmərik.
“Necə deyərlər, keçmişinə bax – gələcəyi qur. Quruculuq bacarığın yoxdursa, əl-ayağa dolaşma, keç qıraqda dur”, - deyə jurnalist vurğulayıb.
pia.az
Digərxəbərlər
Populyar xəbərlər
