Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

İlham Əliyev: “Olmayan işğalı görən, əlbəttə, ya kordur, ya da nankordur”

“İndi Ermənistanda və bəzi əcnəbi siyasətçilər bizi Ermənistan torpaqlarını işğal etməkdə günahlandırırlar. Birincisi, bu, yalandır. İkinci isə, Ermənistan bizim torpaqlarımızı işğal etdiyi zaman niyə səsinizi yüksəltmirdiniz? Nəyə görə göz yumurdunuz?”

Bu sözləri dövlət başçısı İlham Əliyev “Anadolu” Agentliyinə müsahibəsi zamanı deyib.

“30 il ərzində təkcə işğal deyil, eyni zamanda bütün tarixi və dini abidələrimiz yerlə-yeksan edildi. Bütün binalar dağıdıldı. Bunu görmürdünüz? Minsk Qrupunun həmsədrləri dəfələrlə orada oldular. Ağdamda, Kəlbəcərdə, Füzulidə, Cəbrayılda oldular. Görmürdülər? 30 illik işğal dövründə sadəcə iki dəfə araşdırma missiyası göndərildi və hesabat hazırlandı. Hesabatda ermənilərin törətdiyi bütün cinayətlər göstərildi. Sonuncu missiya demək olar ki, 10 il bundan əvvəl keçirildi. Minsk Qrupu həmsədrlərinə yenidən missiya göndərilməsi üçün dəfələrlə müraciət etdik. Orada qanunsuz məskunlaşdırma həyata keçirilirdi. Suriya, Livan və başqa ölkələrdən ermənilər gətirilərək orada məskunlaşdırılırdı. Bu, müharibə cinayətidir. Bütün beynəlxalq konvensiyalara əsasən bu, müharibə cinayətidir. Bunu etmədilər. Bu işğalı görməyən, indi isə olmayan işğalı görən, əlbəttə, ya kordur, ya da nankordur. Ya da sadəcə riyakardır. Bu daha doğru ifadə ola bilər.

Biz öz ata yurdumuza qayıtdıq. 30 ildir orada yox idik. Əgər Ermənistan sərhədin oradan keçdiyini deyirsə, nəyə görə orada heç kim yox idi? Əgər ora sərhəddirsə, gəl sərhədi qoru! Biz gəldik o dağlara yerləşdik və bizim xəritələrimizə əsasən öz torpağımıza yerləşmişik. Əgər Ermənistan fərqli düşünürsə, gəlsin, otursun, müzakirə edək. Bir il, beş il, 30 il çəkər, kim bilər. Yenə eyni mövzuya qayıdıram, sərhədləri barədə Ermənistan bu gün həqiqəti anlamalıdır. Qısa zamanda şərtlərimizi qəbul edib, bu məsələni həll etməlidir ki, hər kəs öz sərhədinin harada olduğunu bilsin”, - deyə dövlət başçısı bildirib.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ermənistan Silahlı Qüvvələrinin Baş Qərargah rəisi müharibə istəyir?..

Şadlıq saraylarında menyular bahalaşdı - Qiymətlər

Yarım milyon mənimsəyən baş həkim həbsdə öldü    

Azneft”in baş direktoru vəzifəsindən azad edildi - Yeni təyinat

Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı

Qurban Qurbanov hərəkətlərinə fikir verməyən futbolçunu cərimələdi

Ən çox oxunanalar