“Gürcüstan və Azərbaycan arasında sıx, dost və işgüzar münasibətlər var və ədliyyə sahəsində də əməkdaşlıq çox vacibdir”.
“Report”un yerli bürosu xəbər verir ki, bunu Gürcüstanın Baş prokuroru İrakli Şotadze azərbaycanlı həmkarı Kamran Əliyevlə görüşdən sonra deyib.
Gürcüstan Baş Prokurorluğunun yaydığı məluma əsasən, İ.Şotadze Azərbaycanla hüquqi sahədə səmərəli əməkdaşlığın olduğunu bildirib.
O, Azərbaycanın Gürcüstan üçün əsas strateji tərəfdaşlardan biri olduğunu deyib: “Bu gün pulların yuyulması, korrupsiya, ailə zorakılığı və digər ağır cinayətlərə qarşı mübarizə məsələlərini müzakirə etdik. İkitərəfli əməkdaşlığa dair memorandumun imzalannması da mühüm əhəmiyyət kəsb edir. Əminəm ki, Azərbaycan və Gürcüstanın Baş prokurorluqları arasında cinayət hüququ sahəsində qarşılıqlı əməkdaşlıq daha da güclənəcək”.
Fotolar
pia.az