Bazar ertəsi, 24 Yanvar 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

İcra hakimiyyətləri ləğv olunacaq? – 14 icra başçısı ola bilər

Ölkə başçısının Qarabağ iqtisadi rayonuna daxil olan işğaldan azad edilmiş ərazilərdə Azərbaycan Respublikası Prezidentinin xüsusi nümayəndəsinin təyin edilməsi haqqında dünənki sərəncamı ölkədə yeni iraəetmə modelinə keçid məsələsini yenidən gündəmə gətirib.

Sözügedən sərəncamla Emin Hüseynov bundan sonra Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi kimi fəaliyyət göstərəcək.

Bəzi ekspertlər bu təyinatı İcra hakimiyyətlərinin ləğvinin başlanğıcı hesab edirlər.

Son vaxtlar yerli İcra hakimiyyətlərinə etimad və inamın son dərəcə azalmasını həmin qurumlara rəhbərlik edən məmurların həbsindən də görmək olar. Prezidentin sərəncamları ilə yerlərdə İcra Hakimiyyətinin başçısı təyin edilən məmurlar bu dövlət orqanlarını korrupsiya və rüşvət bataqlığına çeviriblər. Nəticədə xeyli icra başçısı həbs edilərək, dəmir barmaqlıqlar arasına göndərilib.


Yerli İcra hakimiyyətlərinin bugünkü işi onu göstərir ki, idarəetmə sisteminin bu həlqəsində geniş islahatlara ehtiyac var.

Vaxtilə Balakən rayon İcra Hakimiyyətinin başçısı işləmiş Osman Gündüz Modern.az-a bildirib ki, son vaxtlar rayon icra hakimiyyətlətinin tabeliyindəki qurumların ard-arda ləğv edilməsi yuxarıda qeyd olunan iddianı əsaslandırır:

“Ötən bir neçə il ərzində kommunal, rabitə, mədəniyyət, ekologiya, təhsil, sosial və s. sahələr üzrə rayonlardakı mövcud dövlət qurumlarının hamısı ləğv edilib.

Hazırda bu dövlət qurumlarının rayonlarda yalnız kiçik bir şöbələri qalıb, əvəzində isə yeni regional idarələr formalaşdırılıb.


Belə baxanda, hazırda rayonlarda tam tərkibdə və ənənəvi idarəetmədə yalnız hüquq-mühafizə qurumları və İcra hakimiyyətləri qalıb”.

Sabiq icra başçısının sözlərinə görə, ötən gün Prezident son zamanlar uğurları ilə diqqət mərkəzində olan Emin Hüseynovu Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Prezidentin xüsusi nümayəndəsi təyin etməklə yeni idarəetmə modelinə etimadını bir daha ortaya qoyub:

Prezidentin bu sərəncamı artıq adi bir rayon üzrə deyil, bütöv bir region üzrə, bir neçə bölgəni birləşdirən iqtisadi rayon üzrə xüsusi nümayəndə təyin etməsi onu göstərir ki, yerli İcra hakimiyyətləri də regionala çevrilə bilər.

Yəni, yaxın zamlarda ölkədə yeni iraəetmə modelinə keçidi, bütün İcra hakimiyyətlərinin ləğvi və icra başçılarının azad olunmasını, əvəzində isə Prezidentinin 7 iyul 2021-ci il tarixli sərəncamı ilə yaradılmış 14 iqtisadi rayon üzrə 14 regional icra başçısının təyin ediləcəyini proqnozlaşdırmaq olar”.

Xatırladaq ki, Prezident İlham Əliyevin 7 iyul 2021-ci il tarixli sərəncamı ilə aşağıdakı 14 iqtisadi rayon yaradılıb:

1. Bakı iqtisadi rayonu (Bakı şəhəri);

2. Naxçıvan iqtisadi rayonu (Naxçıvan şəhəri, Babək, Culfa, Kəngərli, Ordubad, Sədərək, ŞahbuzŞərur rayonları);

3. AbşeronXızı iqtisadi rayonu (Sumqayıt şəhəri, AbşeronXızı rayonları);

4. Dağlıq Şirvan iqtisadi rayonu (Ağsu, İsmayıllı, QobustanŞamaxı rayonları);

5. Gəncə–Daşkəsən iqtisadi rayonu (Gəncə və Naftalan şəhərləri, Daşkəsən, Goranboy, GöygölSamux rayonları);

6. Qarabağ iqtisadi rayonu (Xankəndi şəhəri, Ağcabədi, Ağdam, Bərdə, Füzuli, Xocalı, Xocavənd, ŞuşaTərtər rayonları);

7. QazaxTovuz iqtisadi rayonu (Ağstafa, Gədəbəy, Qazax, ŞəmkirTovuz rayonları);

8. Quba–Xaçmaz iqtisadi rayonu (Xaçmaz, Quba, Qusar, SiyəzənŞabran rayonları);

9. LənkəranAstara iqtisadi rayonu (Astara, Cəlilabad, Lerik, Lənkəran, MasallıYardımlı rayonları);

10. Mərkəzi Aran iqtisadi rayonu (Mingəçevir şəhəri, Ağdaş, Göyçay, Kürdəmir, Ucar, YevlaxZərdab rayonları);

11. Mil–Muğan iqtisadi rayonu (Beyləqan, İmişli, SaatlıSabirabad rayonları);

12. ŞəkiZaqatala iqtisadi rayonu (Balakən, Qax, Qəbələ, Oğuz, ŞəkiZaqatala rayonları);

13. Şərqi Zəngəzur iqtisadi rayonu (Cəbrayıl, Kəlbəcər, Qubadlı, LaçınZəngilan rayonları);

14. Şirvan–Salyan iqtisadi rayonu (Şirvan şəhəri, Biləsuvar, Hacıqabul, NeftçalaSalyan rayonları).

pia.az


Etiket:


Digərxəbərlər

Populyar xəbərlər

“Şuşa” niyə “Buta” oldu? - Komandasının rəhbəri Müşfiq Abbasovdan utancverici açıqlama - Video

Könül İsmayılova: “Şuşa bizimdir, hər hansı erməni dığasının təkidinə asanlıqla təslim olmaq acizlik əlamətidir”

Müşfiq Abbasovun növbəti riyakarlığı - Güya komandanın adını qaytarıb...

Eldar Həsənovun həbsinin pərdəarxası məqamları: Növbədə Eldar Mahmudovdur…  - Təfərrüat

Ukrayna-Rusiya müharibəsinin ilk qurbanı Almaniya Hərbi Dəniz Qüvvələrinin baş komandanı oldu

"Anar Məmmədxanova "Şuşa"nın adını dəyiş desəydilər..." - Tahir İmanov KVN rəzilliyindən danışdı

Daşınmaz əmlakın dövlət reyestri niyə qapalıdır ?

Təhsil Nazirliyinin korluğumu, yoxsa "tərcümə xətası" adı ilə cəmiyyətə "yedizdirilən" cinayət?..

MDB-də ən az əməkhaqqı artımı Azərbaycanda olub

Ermənistan Prezidentinin istefasının əsl səbəbləri məlum olub

Ən çox oxunanalar