Mədəniyyət Nazirliyi: Restorana görə filarmoniya rəhbərliyinə aidiyyəti tapşırıqlar verilib

"M.Maqomayev adına Azərbaycan Dövlət Akademik Filarmoniyasının ərazisində “UFFO” restoranının rəhbərliyi ilə cari ilin iyun ayından rəsmi müqavilə bağlanması üçün hazırlıq işlərinə başlanılıb. Lakin restoran rəsmi şərtlərə əməl etmədən özbaşına fəaliyyətə başlayıb və bu cür xoşagəlməz görüntülər meydana çıxıb".

Naizrlikdən APA-nın sorğusuna cavab olaraq bildirilib ki, Mədəniyyət Nazirliyi sözügedən hadisədən təəsüfləndiyini bildirir və məsələnin həlli məqsədilə filarmoniya rəhbərliyinə aidiyyəti tapşırıqlar verib.

"Bu məsələdə məsuliyyətsizlik göstərmiş şəxslər və müqavilə şərtlərinə əməl etmədən fəaliyyətə başlayan restoran rəhbərliyi barəsində tədbir görüləcək", - cavabda vurğulanır.

pia.az