Paşinyan: Ermənistanla Azərbaycan arasında sərhədin demarkasiyası aktiv mərhələyə daxil olur...
Ermənistanla Azərbaycan arasında sərhədin demarkasiyası və delimitasiyası prosesi aktiv fazaya daxil olur.
Poliqon xəbər verir ki, bu məlumatı Ermənistanın Baş naziri Nikol Paşinyan “1Lurer” telekanalına müsahibəsində bildirib.
“Ümumilikdə və konkret olaraq Ermənistan Respublikasına münasibətdə demarkasiya və demarkasiya nə deməkdir? Bu, gedib Ermənistan Respublikasının başladığı yeri tapmaq deməkdir. Onun harada başlayıb, harada bitdiyini biz hamımız bilirik, siz məndən yaxşı bilirsiniz”, deyə Baş nazir Azərbaycanla həmsərhəd Tavuş bölgəsinə səfəri zamanı qeyd edib.
Paşinyan vurğulayıb ki, bu hərəkətlər nəticəsində xüsusi komissiyalar Ermənistan Respublikasının haradan başlayacağına qərar verməli olacaqlar və bu, dövlət sərhədinə çevrilməlidir. Baş nazir əlavə edib ki, Yerevan bu prosesə “müharibənin qarşısını almaq” üçün başlayıb.
Xatırladaq ki, martın 7-də iki ölkənin Baş nazirinin müavinləri Mher Qriqoryan və Şahin Mustafayevin rəhbərlik etdiyi Ermənistan və Azərbaycan arasında sərhədin delimitasiyası üzrə komissiyaların növbəti, yeddinci iclası keçirilib.
Poliqon.info
Digərxəbərlər
Populyar xəbərlər
