ABŞ Mərkəzi Komandanlığı (CENTCOM) Husilərin nəzarətində olan Yəməndə yeddi gəmi əleyhinə raket, üç pilotsuz uçan aparat və üç silah anbar konteynerinin məhv edildiyini bildirib...
Poliqon xəbər verir ki, bu barədə CENTCOM-un bəyanatında bildirilir. Hücum martın 18-də yerli vaxtla saat 13:00-19:00 arasında baş verib.
“Bu silahlar ticarət və ABŞ Hərbi Dəniz Qüvvələrinin gəmiləri üçün təhlükə yaradır. CENTCOM-un tədbirləri sərbəst naviqasiyanın qorunması və beynəlxalq suların təhlükəsizliyinin artırılması üçün həyata keçirilir”, deyə komandanlığın X sosial şəbəkəsində yaydığı bəyanatında deyilir.
Xatırladaq ki, Yəmən husiləri 2023-cü ilin noyabrından ABŞ və Britaniya gəmilərinə, həmçinin İsraillə əlaqəli gəmilərə hücum edir. Husilər hücumlarını İsraillə müharibədə HƏMAS-a dəstək verməklə izah edirlər.
Poliqon.info