Fransa prezidenti Emmanuel Makronun Avropa İttifaqını qorumaq üçün milli nüvə silahının mümkün istifadəsi ilə bağlı sözləri ölkənin bütün müxalifət partiyalarının nümayəndələri tərəfindən tənqidlə qarşılanıb...
Poliqon xəbər verir ki, respublikaçıların Avropa Parlamentinə namizədi Xavyer Bellami "Cnews" telekanalına müsahibəsində bu barədə danışıb.
"Fransa liderinin belə bir şey söyləməsi ona yaraşmaz", deyə o bildirib.
Milli Cəbhədən Avropa Parlamentinin üzvü Tyerri Mariani isə Makronu "milli təhlükə" adlandırıb.
"Invictus France" partiyasının solçu siyasətçiləri prezidentin sözlərindən sonra kommünike yayaraq, Makronu Fransanın nüvə silahlarının nüfuzunu sarsıtmaqda və xalqı seçim hüququndan məhrum etməyə çalışmaqda ittiham ediblər.
Fransa parlamentindəki LFI fraksiyasının rəhbəri Matilde Panot Makronun sözlərini "dəlilik və məsuliyyətsizlik" adlandırıb. Patriotların lideri Florian Filippot daha da irəli gedərək Fransa prezidentini satqın adlandırıb.
Makron aprelin 28-də elan edib ki, Fransa Aİ-ni qorumaq üçün nüvə başlıqlarından istifadəni müzakirə etməyə hazırdır. O, Fransa doktrinasında nüvə silahının həyati maraqları qorumaq üçün istifadə oluna biləcəyini qeyd etdiyini və bu maraqların "Avropa ölçüsü" olduğunu qeyd edib.
Poliqon.info
Digərxəbərlər
Populyar xəbərlər
