Ağ Ev zənginləşdirilmiş Rusiya uranının idxalını qadağan etməyi düşünür...
Poliqon xəbər verir ki. bu barədə Bloomberg Agentliyi vəziyyətlə tanış olan mənbələrə istinadən məlumat yayıb. Agentlik xəbər verir ki, ABŞ prezidenti Co Baydenin administrasiyası zənginləşdirilmiş Rusiya uranının idxalını qadağan etməyi düşünür.
Rusiyadan uran idxalının məhdudlaşdırılması ilə bağlı danışıqlara Ağ Evin Milli Təhlükəsizlik Şurası, Energetika Nazirliyi və digər administrasiya qurumlarının rəsmiləri rəhbərlik edir. Mənbələrin bildirdiyinə görə, bu məsələ ilə bağlı hələlik heç bir qərar verilməyib.
ABŞ Energetika Nazirliyinin məlumatına görə, Rusiya müxtəlif ölkələrdə 90-dan çox kommersiya reaktorunda istifadə olunan zənginləşdirilmiş uranın təxminən dörddə birini təmin edir. Bu, Rusiyanı bir nömrəli xarici təchizatçı edir. Uran satışı Rusiyaya ildə təxminən 1 milyard dollar gəlir gətirir və Ağ Ev Rusiyanın uran mənbələrindən asılılığının “ABŞ iqtisadiyyatı üçün risk yaratdığını” bildirib. Lakin Rusiya uranına sanksiyalar tətbiq edilərsə, bu ehtiyatların dəyişdirilməsi çətin ola bilər və zənginləşdirilmiş uranın qiymətini 20% artıra bilər.
Bu ilin mart ayının sonunda Rusiyadan Avropa İttifaqına uranın idxalının qiymətlərinin 2013-cü ildən bəri ən yüksək həddə çataraq kiloqramı üçün 1713 avro təşkil etdiyi bildirilib.
Poliqon.info