Türkiyə İsraillə ticarətin dayandırıldığını rəsmən təsdiqləyib

Poliqon xəbər verir ki, Türkiyə Ticarət Nazirliyi İsraillə ixrac-idxal əməliyyatlarını tamamilə dayandırmaq qərarına gəlib.

“Dövlət səviyyəsində görülən tədbirlərin ikinci mərhələsinin həyata keçirilməsinə başlanılıb, bütün mal qrupları üzrə İsraillə ixrac-idxal əməliyyatları dayandırılıb”, deyə Nazirliyin məlumatında bildirilir.

Tədbirlər İsrail Qəzza zolağında dərhal atəşkəs elan edənə və humanitar yardımın adekvat və fasiləsiz axını təmin edənə qədər qüvvədə qalacaq.

Qeyd edək ki, aprelin 9-dan etibarən Türkiyə 54 qrup malın İsrailə ixracını məhdudlaşdıraraq, sanksiyaların göstərilən şərtlər yerinə yetirilənə qədər qüvvədə qalacağı barədə xəbərdarlıq etmişdi.

Qeyd olunur ki, Türkiyə Ticarət Nazirliyi “məhdudiyyətlərin fələstinlilərə təsir etməməsi üçün” Fələstin İqtisadiyyat Nazirliyi ilə koordinasiya edilir.

Xatırladaq ki, Bloomberg dünən bildirmişdi ki, Türkiyə mayın 2-i cümə axşamı günü İsraillə bütün ticarət əlaqələrini dayandırıb və bu ölkə ilə bütün ixrac və idxalı dayandırıb.

Poliqon.info