Vilyam Hacıyevin “gözəlləşdirdiyi” İmişli - Rayon mərkəzi maldar “qəbilə”lərin işğalına məruz qalıb?..

Son zamanlar İmişli rayon mərkəzinin parklarında inəklərin otlaması sosial şəbəkələrin müzakirə mövzusu olub. Sosial şəbəkələrdə paylaşılan şəkillərə baxanda adamda elə təəssurat yaranır ki, İmişli maldar qəbilələrin işğalına məruz qalıb. Həmçinin şəhərin mərkəzi küçələrinin belə zibil içində itib batması onu göstərir ki, İmişlinin icra baçşısı Vilyam Hacıyev İmişlini Tanrının öhdəsinə buraxıb və rayon mərkəzinin inək fermasına çevrilməsi, həmçinin insanların antisanitar şəraitdə yaşaması icra başçısının maraq dairəsinə aid deyil.

Gördüyünüz bu şəkil Ramil Bağırov küçəsi ilə Heydər Əliyev prospekti ilə kəsişməsidir. Və şəhərin mərkəzindəki bu zibil poliqonunu Vilyam Hacıyev görmür... Ya da görməməzlikdən gəlir... Vilyam Hacıyev İmişlinin küçələrində inək naxırlarının ixtiyarına verilməsini görmür. Küçələrin xəstəli mənbəyinə çevrildiyini də görmür. Bəs görəsən İmişlinin icra başçısı nəyi görür?..

İmişli İcra Hakimiyyətinin mövqeyini dərc etməyə hazırıq...

pia.az