Dünəndən etibarən "20 Yanvar" metro stansiyasında fəaliyyət göstrərən ticarət obyektlərinin söküntüsünə başlanılıb
Artıq metronun giriş və çıxışlarında olan obyektlər tam sökülüb. Lakin bu ticarət obyektlərinin hansı quruma məxsus olması və niyə sökülməsi haqqında məlumatın olmaması təəcüb doğurur.
Belə ki, satıcılara söküntünün yalnız stansiyanın giriş və çıxışlarında olduğunu bildirsələr də, onun səbəbləri və sökülən obyekt sahiblərinin hara köçürülməsi barədə məlumat verilmir.
Məsələ ilə bağlı Bakı Metropoliteni QCS-nin mətbuat xidməti ilə əlaqə saxlasaq da, həmin obyektlərin metropoliten ərazisi olmadığı üçün obyektlərin niyə və hara köçürülməsi ilə bağlı məlumatın olmadığı bildirildi.
Şəhər İcra hakimiyyətinin Ticarət və Xidmət Departamentində də söküntü işləri barədə məlumatsız olduqları bildirildi.
Məsələ ilə əlaqədar rəy bildirin "Azəryolservis" ASC də obyektlərin onların balansında olmadığını qeyd etdi.
Ərazinin sahibi və söküntünün kim tərəfindən aparılması bəlli olmasa da, 20 Yanvar metro stansiyasının giriş və çıxışlarındakı ticarət obyektləri artıq sökülüb.interaz.tv