Ukraynalı sahibkarlar Odessadakı sənaye malları bazarının azərbaycanlı oliqarx Telman İsmayılovun əlinə keçməsinin qarşısını almağa çalışır. Onlar bazarın “Yanukoviçə qədərki dövr” həyatını bərpa etmək istəyirlər
Virtualaz.org saytı Ukrayna mətbuatına istinadən bildirir ki, bu barədə Odessa vilayətinin Kiçik və Orta Sahibkarlar İttifaqının prezidenti Vasili Kuliniç məlumat verib.
“Biz ticarət mərkəzini 2010-cu ilə qədərki vəziyyətinə qaytarmaq ideyası üzərində çalışırıq. İstəyirik ki, mərkəzin səhmləri qanuni sahiblərinə qaytarılsın. Həmin səhmləri onların əlindən zorla alıblar. Ümid edirəm ki, biz bazarı qoruya biləcək və onun Telman İsmayılova satılmasının qarşısını alacağıq” - deyə V.Kuliniç bildirib.
Qeyd edək ki, Odessadakı sənaye malları bazarı hələ də Viktor Yanukoviç ailəsinin nəzarətindədir. Ukraynanın keçmiş qaçaq prezidenti öz ölkəsində işlərinin “yaş” olduğunu görərək əhmin ticarət mərkəzini satmağa çalışır. Potensial alıcılar arasında “AST Telman” kimi tanınan azərbaycanlı milyarderin adı ön sırada gəlir.
Digərxəbərlər
Populyar xəbərlər
