“Ümumilikdə bu çür təşkilatların hamısı qeyri - qanuni olaraq başqa ölkələrin daxili işinə qarışır”
Siyavuş Novruzov: “Mətbuat qeyri -qanuni yollara əl atmasın, vətəndaşın şərəf və ləyaqətini təhqir etməsin”.
Bildiyimiz kimi «Amnesty International» təşkilatı dünən “AzadlıqRadiosu”nun əməkdaşı Xədicə İsmayılı vicdan məhbusu elan edib. PİA.AZ-ın əməkdaşı bununla bağlı YAP İcra Aparatının sədr müavini, millət vəkili Siyavuş Novruzovun fikirlərini öyrənib.
PİA.AZ-a açıqlamasında hakim partiyanın rəsmisi bildirib ki, “Amnesty İnternational” ın işi onu-bunu vicdan məhbusu elan etməkdir:
“Mən deyərdim ki, “Amnesty İnternational” hüquq müdafiə təşkilatının işi onu-bunu vicdan məhbusu elan etməkdir. Ümumilikdə bu çür təşkilatların hamısı qeyri - qanuni olaraq başqa ölkələrin daxili işinə qarışır. Onlar elə hesab edirlər hər bir həbs olunan jurnalistin həbs motivi siyasəsidir. Bu isə absurddur. Bu baxımdan onların verdiyi bəyanat və yaxud rəylərin bizim üçün əhəmiyyəti yoxdur”.
Həmçinin millət vəkili PİA.AZ-a verdiyi açıqlamada dünən Milli Məclisin KİV haqqında qanunda etdiyi dəyişiklikləri də dəyərləndirib:
“Dünən Milli Məclisdə qəbul olunan KİV haqqında qanunu normal dəyərdirirəm. Bu dəyişikliklərə əsasən, həm mətbu orqanların xaricdən maliyələşəməsinə qadağan qoyulub, həm də bir qəzetin adı başqa adlarnan dəyişiklik etməklə istifadə oluna bilməz. Qanunun başqa müddiasına görə mətbuat orqanı iki dəfədən artıq qanunu pozarsa qəzetin bağlanması üçün məhkəməyə müraciət etmək hüququ əldə olunur. Bu isə söz azadılğının məhdudlaşdırılması deyil və ümumiyyətlə mətbuata qarşı qadağalar qoyulmasından söz gedə bilməz.
Əksinə bu düzəliş mətbuatı düz yola yönəldəcək, qanunlara riayət edib, qanunlarla fəaliyyət göstərməsini tənzimliyəcək. Bu qanunda ona görə dəyişiklik olunub ki, mətbuat qeyri -qanuni yollara əl atmasın, vətəndaşın şərəf və ləyaqətini təhqir etməsinvə obyektiv olsun”.
Nərminə
pia.az