Bunu politoloq Ərəstun Oruclu "Deyerler.org"a açıqlamasında Seçkilərin Monitorinqi və Demokratiyanın Tədrisi Mərkəzinin (SMDTM) rəhbəri Anar Məmmədlinin həbsini şərh edərkən deyib.
"Bu həbs şübhəsiz ki, Anar bəyin fəaliyyəti ilə bağlıdır. Rəsmi versiyanı qoyaq bir kənara. Aydın məsələdir ki, Azərbaycanda nə məhkəmə istintaq sistemi var, nə də qanunun aliliyi. Təsadüfü deyil ki, seçkilərdən dərhal sonra Anar Məmmədlinin fəaliyyəti ilə bağlı təhqiqat başlamışdı. Yəni, bu yenilik deyil, bu birdən birə baş vermədi.
Burada fikrimcə iki məqsəd var. Birincisi hakimiyyət Anar Məmədlini seçkilərin nəticələri ilə bağlı keçirilmiş manitorinqlərin rəyini açıqladığına görə cəzalandırmaq istəyir. İkincisi ümumiyyətlə Azərbaycanda vətəndaş cəmiyyəti inistitutlarının başı üzərində bir qorxu, xof yaratmaqdır. Yəni, kim seçki məsələlərinə qarışsa o həbs ediləcəkdir. Bu cəza əməliyyatıdır" -deyə Ə.Oruclu bildirib.