Qabil Hüseynli: “Bu şərtlə ki, Rusiya Azərbaycana vurduğu ziyanları kompensasiya etsin”
Politoloq Qabil Hüseynli Moderator.az-a açıqlamasında Rusiyanın iqtisadi baxımdan ağır durumda olduğunu, yaxın gələcəkdə ciddi problemlərlə üzləşəcəyini bildirib. Ekspertin sözlərinə görə, Rusiyanı bu vəziyyətdən yalnız Azərbaycan xilas edə bilər ki, Kreml bunun qarşılığında işğaldakı ərazilərin azad edilməsinə yardımçı olmalıdır:
“Hazırda Rusiyanın iqtisadi baxımdan ağır vəziyyətdə olduğu və yaxın gələcəkdə daha da ağırlaşacağı birmənalıdır. Azərbaycan Rusiya iqtisadiyyatına böyük məbləğdə sərmayə yatıra, Avrasiya İttifaqının fəal üzvlərindən biri də ola bilər və s. Lakin bu şərtlə ki, Rusiya Ermənistanı himayə etməklə Azərbaycana vurduğu ziyanları kompensasiya etsin.
Azərbaycanın öz ərazi bütövlüyün bərpa etmək məsələsində bizə yardımçı olsun. Bu istiqamətdə danışıqlar gedib və bu gün də getməkdə davam edir. Ermənistan isə bir tərəfdən Azərbaycan torpaqlarını işğal etmədiyini vurğulasa da, indi Rusiyanın onları satdığını, işğal edilmiş torpaqların geri qaytarılmasında Azərbaycana yardım edəcəyini iddia edir”.