Kalaçev: “Avropa Parlamentinin qəbul etdiyi qətnamə Ermənistana yaxınlaşmaq üçün daha bir addımdır”
Bu sözləri Axar.az-a açıqlamasında rusiyalı politoloq Konstantin Kalaçev söyləyib. Onun sözlərinə görə, dünən qəbul edilmiş qətnamə Qarabağda fəallaşmaya gətirib çıxarmayacaq:
“Avropa Parlamenti “erməni soyqırımı”nı 1987-ci ildə rəsmi olaraq tanıyıb. “Erməni soyqırımı”nın tanınması haqqında qərar qəbul edib, Avropa Şurasından bu soyqırımın Türkiyə tərəfindən tanınması üçün ona təzyiq edilməsi mövqeyindən Avropa Parlamenti hələ də əl çəkməyib. 1987-ci ilin 18 iyununda qəbul edilmiş qərar hələ Türkiyənin Avropa Birliyinə üzvlüyündə keçilməz maneə olaraq qalır. Dünən qəbul edilmiş qətnamədə yenə Türkiyənin bu soyqırımı tanımasına çağırış edilir. Əlbəttə, həmin qətnamə Ermənistana yaxınlaşmaq üçün daha bir addımdır. Lakin bu, Ermənistanı Rusiyadan qoparmağa kifayət deyil.
Ermənistan gərək özünün təhlükəsizlik və iqtisadi inkişaf sahəsində problemlərini həll etsin. Aydın məsələdir ki, Azərbaycan Avropa Parlamentindən anoloji mövqeyi 1918-ci ildə Bakıda və digər regionlarda erməni daşnaklarının törətdiyi qırğına, Azərbaycan torpaqlarının Ermənistan tərəfindən faktiki olaraq işğalına, işğal olunmuş ərazilərdə azərbaycanlıların etnik təmizlənməsinə, Xocalı faciəsinə münasibətdə görmək istəyir. Emosiyalar aydındır. Tərəflər arasında münasibətlər pozula bilər. Lakin hazırkı məsələnin Qarabağda hansısa hərəkətlənməyə səbəb olacağına inanmıram. Bunu heç bir tərəfdən gözləmirəm”.
pia.az
Digərxəbərlər
Populyar xəbərlər
