Fərid Şahbazlı: “Vətənimizin Dünya Gənclər Forumuna ev sahibliyi etməsi Azərbaycanın bir çox sahələrdə qazandığı uğurlarının göstəricisidir”
Bu gün Azərbaycanda Gənclər Siyasəti üzrə I Qlobal Forum keçirilib. Forumda prezident İlham Əliyev də içtirak edib.
"İslahatçı Gənclər" İctimai Birliyinin sədri Fərid Şahbazlı PİA.AZ-a bildirib ki, Azərbaycanda beynəlxalq əhəmiyyətli forumun keçirilməsi ulu öndər H.Əliyev əsasını qoyduğu gənclər siyasətinin bəhrəsidir:
Azərbaycanda həyata keçirilən dövlət gənclər siyasəti dünyanın ən öndə gedən ölkələrinə örnək ola biləcək səviyyədədir. Gənclər Siyasəti üzrə I Qlobal Forumun Azərbaycanda keçirilməsi ölkəmizdə reallaşdırılan dövlət gənclər siyasətinin uğurlu nəticələrinin beynəlxalq etirafıdır. Artıq Azərbaycan dünya birliyi tərəfindən də gənclər mərkəzi kimi tanınır. Vətənimizin Dünya Gənclər Forumuna ev sahibliyi etməsi Azərbaycanın bir çox sahələrdə qazandığı uğurların göstəricisidir.
Məsələn, ölkəmizdə Gənclər Fondunun fəaliyyəti dünyada az rast gəlinən nümunələrdəndir. Prezident İlham Əliyev də çıxışında gənclər siyasəti ilə bağlı olduqca mühüm məqamlara toxundu. Dövlət başçısının gənclərin potensialından ölkənin mənafeyi naminə tam və səmərəli istifadə olunması və bu yöndə görülən işlərdən bəhs etdi.
Azərbaycan hökuməti gənclərin dövlət idarəçiliyində iştirakına maraqlıdır. Hesab edirəm ki, dövlət gənclər siyasəti artıq konkret müsbət nəticələrini göstərməkdədir. I Qlobal Forum işini uğurla başa vuracaq. Bu Azərbaycan üçün sonuncu forum deyil, bundan sonra da ölkəmiz bütün sahələrdə olduğu kimi gənclər mərkəzi kimi də öz sözünü deyəcək”.
Ülviyyə
pia.az
Digərxəbərlər
Populyar xəbərlər
