“Bu gün Avropa üçün dönüş nöqtəsidir“

Almaniyanın Baş naziri Angela Merkel, Federal Məclis Bundestaqda təmsil olunan partiyaların qrup başçıları ilə görüşündən sonra İngiltərənin AB-dən ayrılma qərarı ilə bağlı açıqlama verib

PİA.AZ xəbər verir ki, Angela Merkel verdiyi açıqlamada İngiltərənin AB-dən ayrılma qərarını böyük kədərlə qarşıladığını deyib:

"Bu gün Avropa üçün və Avropanın birləşmə prosesi üçün dönüş nöqtəsidir", Almaniya kansleri əlavə edib.

"Avropada müxtəlifliklər var. Avropadakı insanlar nə qədər fərqlidirsə Avropa Birliyindən gözlədikləri də o qədər fərqlidir”, deyən və sakit bir şəkildə vəziyyətin analiz edilməsi lazım olduğunu vurğulayan Angela Merkel yeni qərarlara ehtiyac olduğunu qeyd edib.

Qlobal rəqabətdə azadlıq, demokratiya və dövlət dəyərləri ilə iqtisadi, sosial, ekoloji, xarici və təhlükəsizlik siyasətində maraqların yalnız birlikdə müdafiə olunduğunu deyən Angela Merkel, ``İngiltərədəki referendumda tarixi şüurla nəticə çıxarmamız lazımdır”, deyib.

Həmçinin Angela Merkel verdiyi açıqlamada İngiltərənin AB-dən ayrılma prosesində ediləcək müzakirələr əsnasında bu ölkənin AB-nin üzvü kimi qalacağını da xatırladıb.

pia.az