Batumidən yazdığım reportajlar təqdir qazandığı kimi, türklər demiş, bir az təpki də qazanıb. Hər kəs öz mədəni səviyyəsinə , tərbiyəsinə görə reaksiya bildirib. Demək olar ki hamısı xarici donorlardan alınan qrantlarla dolanan bu zümrəni daha çox narahat edənsə Çexiyanın People in Need təşkilatı haqda "ermənipərəst" yazılması olub. Onlara bir cavabım var. KİV -lər də istifadə edə bilərlər.
*****
"Yazıdakı bütün məlumat və rəylər əsaslıdır, özümdən heç nə artırmamışam. İstifadə olunan , ümumiləşdirilən məlumatlar Forumum İdarə Heyətinin üzvlərindən alınıb. Bütün tərəflərin mövqeləri var. Foruma qatılanlar onu boykot edənləri qınayıb, mövqe bildirib.
Onu da dərc etmişik. Qeyd edilən Çex təşkilatı isə Dağlıq Qarabağ heyətini - yəni erməniləri müstəqil dövlətin heyəti kimi Foruma üzv etmək təşəbbüsü göstərib. Həm də israrla. Bunu da, ermənipərəst ifadəsini də qəzetimizə Forumun İdarə heyətinin üzvləri deyiblər.
Təşkilat təmsilçisi belə bir təşəbbüs etdiklərini mənim yanımda təsdiqlədi. Sadəcə, məlumatı verən azərbaycanlı həmkarlarını qınadı ki, niyə idarə heyətinin qapalı müzakirələri barədə məlumat yayırsınız... Artıq bu da mənim problemim deyil. Özləri bilsinlər".
Rauf Arifoğlu, "facebook" statusu