“Eynicinslilər o qədər arxayınlaşıblar ki…”- Cəmiyyətdən sərt təpki

Görüntüləri izləyənlərdən sərt təpki gəldi. 

Son zamanlar əksəriyyət üçün adiləşən belə hadisələrə biganəlik buzu sanki çat verdi.   Mənəviyyatımıza və əxlaqımıza pis nümunə olan belə halların qarşısını almaq üçün Gununsesi.info həyəcan təbili çalıb. Cəmiyyətdə nüfuz və söz sahibi olan müxtəlif peşə sahiblərinin məsələyə münasibətini öyrənib.

Xəzər Universitetinin müəllimi, Fəlsəfə doktoru Mail Yaqub bildirib ki, eynicinslilərin nikahagirmə məsələsi məncə müasir dövrün  ən eybəcər hadisələrindən biridir.  Filosof qeyd edib ki, eynicinslilərin münasibəti tarixən olub. Onlar Şərqdə də, Qərbdə də, qədim Yunan dövründə də hər zaman  gündəmdə olublar.

“Eynicinslilərin nikahi yeni məsələ deyil, sadəcə, günümüzdə bu çox eybəcər formada gündəmi zəbt etdi. Bu da təbiidir. Yəni, eynicinslilərin nikahına adi baxılması, müasir düşüncənin təbii məhsuluydu. Çünki postmodernizm deyilən dövr ki var, 20-ci əsrin 60-70-ci illərindən sonra Avropadan, əsasən də Fransadan  başlayaraq,  tədricən bütün dünyaya sirayət eləməyə davam edir. Burada postmodernizmin ən kəskin  tezisi bundan ibarətdir ki, biz indiyədək olan qadağaları aradan götürmək istəyirik. Söhbət hüququ qadagalardan yox,  əxlaqi sferadakı qadağalardan gedir. Yəni, posmodernizmdə “qırmızı işıqda keçmək lazımdlr”-  deyə, bir şey yoxdur. Əksinə, əxlaqda olan yaxşı və pislər tamamilə aradan götürülür. Baxın, posdernizmin filosofu  Jak Derrida deyir ki, bu günədək ki, yəni posmodernizmdəki  Qərbdə və Şərqdə olan yaxşı və pislərin artıq konstruksiyası pozulur. Dekonstruksiya sistemi yaranır ki, orada da, yaxşı və ya pis sistemi artıq yoxdur. Ona görə də, burada artıq pisdən söhbət gedə bilməz.  Eynicinslilərin nikahı postmodernizmin məhsullarından biridir. Halbuki, bizim bir çox müasir fəlsəfi cərəyanlar  bunu  qəbul etmirlər. Onlar bildirirlər ki, bəşər tarixində dəyişməyən qanunlar var. Amerikada tradisionalist filosoflar – Uilyam Çitik, Frtihof Şuan, Huseyn Nasr hesab edir ki, əxlaq sferasında da heç zaman dəyişməyən qanunlar movcuddur. Ona görə də,  bunu təkcə Azərbaycanın yox, bəşər tarixinin faciəsi kimi dəyərləndirirəm. Ən eybəcər akt kimi görürəm bunu. Eynicinslilərin nikahın və onlarla bağlı istənilən addımı pisləyirəm. Eləcə də Azərbaycana milli-mənəvi köklərinə sarınmış tarixən bürünmüş bu halın baş verməsini də kəskin şəkildə pisləyirəm”- deyə, o, fikrini tamamlayıb.

Dinşünas, ilahiyyatçı  Fərid Abdullah isə hesab edir ki, eynicinsliərin “prizmasından” yanaşsaq, onların  davranışları artq açıq şəkildə özünü biruzə verir.

“Son zamanlar insanların başı o qədər özünə qarışıb ki, bu tipli hallar baş verəndə də ictimai qınağı  unudublar, yığışdırıblar. Eynicinslilərin nikahı cəmiyyətdə fəsadlar yaradır. Əgər məsələyə islami dəyərlər baxımından yanaşsaq, dinimiz bunu pis qarşılayır.  İnsan bu cür xəstəliyə malikdirsə,  onların müalicəsi də olmalıdır. Hərçənd ki, müasir aləmdə bəziləri bunu xəstəlik kimi qəbul etmirlər. Hətta zaman elə gətirib ki, onları xəstə kimi qəbul edən insanları özlərini də homofob kimi qəbul edirlər. Halbuki, bir zamanlar onlar  öz durumunu bir xəstəlik kimi sayırdı”- deyə, o, vurgulayıb. F. Abdullahın sözlərinə görə,  burada siyasi faktorlar da var. “ Əgər fikir versəniz,  görərsiniz ki.  insanları heyvan saxlamasına, homoseksuallığa  təşviq kampaniyaları  həyata keçirilir. Bu daha çox Qərb ölkələrində baş verir.  Sözsüz ki, bütün bunlar insan nəslinin azalmasına gətirən bir layihədir. Əvvəllər belə hallara qarşı hədsiz ictimai qınaq var idi deyə, bu özünü o qədər açıq biruzə vermirdi”- deyə,o, məsələnin kritik olduğunu dilə gətirib.

F. Abdullah hesab edir ki, son zamanlar Azərbaycanda da bu hal çox geniş yayılıb:  “Onlar utanmadan bunu açıqca etiraf da edirlər. Məsələ burasındadır ki, bizdə dövlət səviyyəsində bu cür biabırçılıqların qarşısı alınmır. Ictimai qınaq da yoxdur. Bir növ onların əl-qol açması üçün münbit şərait yaradılıb. Bu qədər ayaq tutmazlar. Sözsüz ki, bu bizim mənəviyyatımızdan tutmuş, digər dəyərlərimizədək hər bir məqama ziddir. İctimai qınağın olmaması bu cür adamların belə çirkin yaşam tərzinin münbit şərait tapmasına imkan yaradır. Onlar sosial şəbəkələrdə utanmadan özlərini rekam edirlə, müştəri toplayırlar. Əgər buna obyektiv yanaşsaq görərik ki, bu fərdin özünü qadın və ya kişi kimi görməsindən doğmur. Bütün bunlar məqsədli şəkildə pozğunluq və əxlaqsızlığın  təbliği üçün bəhanədir. Onlar doğurdan da, homoseksualdırlarsa, bu niyə diqqəti özünə çəkməyə çalışır. Görürük ki, bunun altında qeyri-səmimi və çox pozgun fikirlər yatır. Təbii şəkildə də bunu qəbul edə bilmərik. Hətta buna məcbur edilsək də.  Çünki bunun çox pis fəsadları özünü göstərir, gəncləri yoldan çıxarır, təbii nəsil artımının  qarşısını alır. Çox təəssüf ki, bir sıra mətbuat orqanları bu cür xoşagəlməz halların işıqlandırılmasıyla onları diqqət mərkəzində saxlayırlar. Bu da belə halların artmasına rəvac verir. Əgər mətbuat bu cür ikrah doğuran toyları işıqlandırırsa, o zaman onlar cəsarətlənib öz nikah mərasimlərini internet üzərindən açıqca yayırlatr. Bu da cəmiyyət üçün narahatlıq yaradan haldır. Hətta elə insanlar var ki, bu cür halları qınayanların ağzından vururlar ki, ixtiyarınız yoxdur, onların azad seçiminin qarşısında söz deyəsiniz.   Onlar  bunu öz evilərndə törətsəydilər, dərdyarıydı. Eynicinslilər isə  o qədər arxayınlaşıblar ki, restoran və  şadlıq evlərində ad, günləri, nişan və toy edirlər.  Topluma çoxluqlarını göstərməklə yanaşı, həm də güclərini nümayiş etdirirlər. İctimai qınaq olmadıqca, hətta  cəmiyyətə meydan oxuyurlar.  Düşünürəm ki, dövlət bü cür  azlıqların çoxluğa çevrilməməsi üçün onlara nəzarəti gücləndirməlidir ki, əndazədən çıxmasınlar, əxlaqsızlığın ictimailəşməsinin qarşısı alınmalıdır. Dövlət belə halların vüsət almasına yol verməməkdə maraqlı olmalıdır. Harda bunun ocağı yayıldısa, sözsüz ki, oranı nəzarətə almalı, xüsusi ölçü götürməlidir”.

Şahidi olduğunuz hadisələri çəkib bizə göndərin!