PİA.AZ Qarabağ veteranı İsmayıl Ağayevin "Gözlə qayıdacam mən" şeirini oxucularına təqdim edir
Gündüzləri birtəhər
Yəqin ki, keçib gedər
Axşamlar da başını
Yəqin qatar körpələr
Gözünə getməz yuxu
Sənindir dərdin çoxu
Gözlə, qayıdacam mən...
Qəlbindəki kədər, qəm
Yenə yuxunu qovur
Qəhər də səni boğur
Dünən sevinclə gülən
Gözlərinə yaş dolur
Gözlə, qayıdacam mən...
Ayrılmaram sevgindən
Bunu özün bilirsən
Qəlbin qəmlə dolmasın
Eşidəndə sən hərdən
Körpələrin dilindən
Atam nə vaxt gələcək?
Gözlə, qayıdacam mən...
Döyüş yolum uzanır
Demə qəlbim qocalır
Ömürdən ötən günlər
Məni sənə bağlayır
Demə bunlar yalandır
Belə düşünmə hərdən
Gözlə, qayıdacam mən...
Vətən məni çağırıb
Əlimə silah verib
Harayına yollanıb
İndi adi əsgərəm
Keşikdə dayanıram
Hələ dardadır vətən
Gözlə, qayıdacam mən...
Vətənim azad olar
Yurdumuza gün doğar
Qayıdar yurd yerinə
Didərginlər, qaçqınlar
Üzə gülər yazımız
Sevinər el,obamız
Alnı açıq üzü ağ
Geri qayıdaram mən
Sevinərsən ürəkdən
Gözlə, qayıdacam mən...
29.05.1995
Gülyanaq İsmayılqızı
pia.az
Digərxəbərlər
Populyar xəbərlər
