AVRO-2016-nın favoritləri sırasında göstərilən İngiltərə ilk böyük turnirinə qatılan İslandiya millisinə uduzmaqla 1/8 finalda mübarizəni dayandırıb
PİA.AZ goal.az-a istinadən xəbər verir ki, ingilislərin kapitanı Ueyn Runi oyundan sonra bunları deyib:
"Olduqca məyusam. Bu nəticəni qəbul etmək çox çətindir. Növbəti mərhələyə çıxmaq üçün yaxşı imkanımız vardı. Erkən qol vurduq, amma 2 dəfə topu tordan çıxardıq. Oyundan sonra Hocson istefaya getdiyini dedi. O, hər bir futbolçuya təşəkkürünü bildirdi. Bir sıra futbolçular millidə onun dövründə debüt etdilər. Bunu unutmayacaqlar. İnanmaq çətindir, amma İngiltərənin parlaq gələcəyi var. Bu uğursuzluğun fəsadlarını mümkün qədər tez aşmalıyıq. Turnirdən öncə milli komandada oynadığım üçün fəxr etdiyimi demişdim. Yeni məşqçinin təyinatını gözləyirəm. Millidə oynamağa həmişə hazıram".
pia.az