“İnstagram” sosial şəbəkəsinin istifadəçiləri üçün ən populyar yemək hamburgerdir
Lent.az-ın xəbərinə görə, “Borcsch” startapı müəyyən edib ki, istifadəçilər məhz bu yeməyin tez-tez şəklini çəkir və öz səhifələrində yerləşdirir.
“Borsch” neyroşəbəkəsi bu yay ərzində “İnstagram” istifadəçilərinin öz səhifələrində dərc etdikləri 9 milyondan artıq yemək fotosunun tədqiqatını aparıb. Paylaşımları araşdırılan istifadəçilər arasında Moskva, Berlin və Nyu-York kimi iri şəhərlərdən olan istifadəçilər də olub. Tədqiqat zamanı məlum olub ki, bütün yemək görüntülərinin içində daha çox məhz hamburger fotosuna rast gəlinib.
Moskvadan olan istifadəçilər hamburgerdən sonra daha çox pizza, suşi, müxtəlif tortlar, dondurma, steyk və pirojnaların şəkillərini dərc ediblər. Berlində insanlar hamburgerdən başqa, falafel, pizza və suşilərin şəkillərini yerləşdiriblər. Nyu-Yorkda isə ikinci yerdə dondurmalar, üçüncü yerdə pizza fotoları gəlir.
Yeri gəlmişkən, sosial şəbəkənin sayəsində avqust ayında Britaniya alimləri depressiyaya düşmüş insanların sayını da araşdıra biliblər. Bu cür şəxslər adətən “İnstagram”da tez-tez parlaqlığı zəif olan göy rəng tonunda şəkillər yerləşdirirlər.
pia.az
Digərxəbərlər
Populyar xəbərlər
