Bunu Kərəm Həsənov Qaxda Şəki, Qax, Zaqatala və Balakən rayonlarından olan sakinləri qəbul edərkən deyib
Əmlak Məsələləri Dövlət Komitəsinin sədri Kərəm Həsənov Qaxda Şəki, Qax, Zaqatala və Balakən rayonlarından olan sakinləri qəbul edib.
Bölgə sakinlərinin müraciətləri isə əsasən, daşınmaz əmlaka dair hüquqların dövlət qeydiyyatı, dövlət əmlakının özəlləşdirilməsi və icarəyə verilməsi, həmçinin komitənin digər fəaliyyət istiqamətlərinə aid olan məsələlərlə bağlı olub.
Qəbulda Əmlak Məsələləri Dövlət Komitəsi tərəfindən göstərilən yeniliklər barədə vətəndaşlara məlumat verən Kərəm Həsənov qeyd edib ki, dövlət əmlakının özəlləşdirilməsilə yanaşı, dövlət reyestrindən çıxarışların, texniki sənədlərin və digər zəruri məlumatların verilməsi, ipoteka, lizinq ilə bağlı ümumilikdə 28 elektron xidmət hazırda vətəndaşların istifadəsindədir.
Bildirildi ki, mobil ofislər vasitəsilə qeydiyyat xidmətləri Bakı və regionlarda vətəndaşların ünvanına çatdırılır və beləliklə onların ərazi idarələrinə getməsinə ehtiyac qalmır.
Qeyd edək ki, qəbulda komitə sədri 4 rayondan olan 50-nəfərə yaxın sakinin şikayət və müraciətlərini dinlədi.