“Milli Şuranın keçirdiyi mitinqlərin ictimaiyyət üçün siyasi əhəmiyyəti yoxdur”
PİA.AZ bildirir ki, bu fikirləri Azvision.az-a açıqlamasında Azərbaycan Demokrat Partiyasının (ADP) sədri Sərdar Cəlaloğlu deyib.
Milli Şuranın mayın 3-ə təyin etdiyi mitinqə münasibət bildirən ADP sədri hesab edir ki, belə mitinqlər cəmiyyət üçün yox, Əli Kərimlinin sədri olduğu AXCP üçün əhəmiyyətlidir: “Yəni, bu, partiyanın aktivliyini nümayiş etdirir, müəyyən qüvvələrin diqqətini cəlb edir. Mitinq partiya maraqları baxımından keçirilir. Cəmiyyət belə mitinqlərə marağı da yoxdur. İnsanlar üçün Milli Şuranın keçirdiyi mitinqlər o qədər önəmli deyil. Burada partiya və şəxsi maraqlar rol oynayır. Cəmiyyət onsuz da mitinqdə iştirak etmir. Onların buna marağı yoxdur. Bu baxımdan mitinqlər heç kimə lazım deyil”.
pia.az