ADP sədrindən AXCP-yə sərt ittihamlar
“AXCP iqtidara yox, müxalifətə qarşı mübarizə aparır və hesab edirlər ki, bu yolla “ana müxalifət” partiyasına çevriləcəklər”.
PİA.AZ bildirir ki, bu sözləri editor.az-a açıqlamasında Azərbaycan Demokrat Partiyasının (ADP) sədri Sərdar Cəlaloğlu AXCP funksionerlərinin ona yönəlik ittihamlarına cavab verərkən belə deyib.
Onun sözlərinə görə, Əli Kərimli müxalifədəki rəqiblərini qaralamaqla, heç nəyə nail olmayacaq: “İstər AXCP, istər Müsavat, istər Ümid, istərsə də ADP və digər müxalifət partiyaları dəfələrlə bəyan edib ki, biz hakimiyyətə qarşı mübarizədə bir yerdə olmalıyıq. Amma AXCP rəhbərliyi görəndə ki, müxalifətin mövqeləri obyektiv və subyektiv səbəblərdən xeyli zəifləyib, günahı digərlərinin boynuna atmaqla, məsuliyyətdən yaxa qurtarmağa çalışır. Bu onların çoxdankı xislətidir. Bəli, mitinq keçirmək vətəndaşların hüququdur, bu hüquqdan yararlanmaq lazımdır. Amma sənin mitinqinə adam çıxmırsa, uğursuz aksiya təşkil edirsənsə, buna görə digərlərini ittiham etməyə dəyməz. Biz öz fəaliyyətimizi AXCP-nin diqtəsinə uyğun şəkildə davam etdirəsi deyilik. Qaralamaq yolu ilə Əl Kərimlini önə çıxarmaq cəhdləri nəinki nəticə verməyəcək, əksinə, bu onların daha da nüfuzdan düşməsinə gətirib çıxaracaq”.
pia.az
Digərxəbərlər
Populyar xəbərlər
