“Məndə Rauf Mirqədirovun ailəsinin Azərbaycana gəlib-gəlməməsi ilə bağlı məlumat yoxdur. Amma onların Türkiyədən çıxdığını bilirəm”.
PİA.AZ bildirir ki, bunu Modern.az-a “Ayna-Zerkalo” qəzetinin baş redaktoru Elçin Şıxlı deyib. O bildirib ki, R.Mirqədirovun hüquqlarının müdafiəsi ilə bağlı işlər də görüləcək.
“Amma onun dövlətə xəyanət etməsi ilə bağlı rəsmi şəkildə heç bir bəyanat verilməyib. Biz onun hüquqlarının müdafiəsi istiqamətində işlər görəcəyik”, -deyə E.Şıxlı söyləyib.
Qeyd edək ki, “Ayna-Zerkalo”nun siyasi şərhçisi R. Mirqədirov Türkiyədən deportasiya olunub. Vəkili Fuad Ağayevin bildirdiyinə görə, Azərbaycanda həbs olunan jurnalistə qarşı dövlətə xəyanət maddəsi ilə cinayət işi açılıb.
R. Mirqədirov 2010-cu ildən Türkiyədə yaşayır. Bu ilin aprelin 8-dən onun akkreditasiyası dayandırılıb.