Rusiya futbolunun tanınmış siması Anatoli Bışovets özünü milli komandanın baş məşqçisi postuna ən real namizəd hesab edir
Goal.az xəbər verir ki, təcrübəli mütəxəssis yerli mətbuata açıqlamasında bu barədə fikirlərini bölüşüb.
"Leonid Slutski təcrübəsi göstərdi ki, eyni məşqçinin klub və milli komanda işləməsi düzgün qərar deyil. Qurban Berdıyevin millidə işləmək təcrübəsi yoxdur. Bir şeydən məlumatsız olmamaq qorxulu deyil. Amma təsəvvürün olmayan işə girişmək cinayətdir.
O, özü də yaxşı başa düşür ki, "Rostov"un baş məşqçisi kimi qalmaqla düzgün qərar verib. Hazır komanda ilə işləmək və yeni komanda qurmaq fərqli şeylərdi. Bizə ikinci variant lazımdır. Bu isə çoxlu vaxt və enerji tələb edir. Millinin baş məşqçisinə bu sahədə təcrübə lazımdır. Bir sıra məşqçilər əvvəlki mütəxəssislərin qoyduğu bünövrə üzərində fəaliyyət göstərir. Mən Cənubi Koreya millisinin Olimpiya və əsas komandasına rəhbərlik etmişəm. U-23 yığması Olimpiadada cəmi 1 dəfə - İtaliyaya uduzmuşdu. Lazımi təcrübəm var deyə özümü Rusiya millisinin baş məşqçisi postuna yeganə namizəd hesab edirəm".
pia.az