Qənirə Paşayeva :"İnsanların onların ədalətli mövqeyinə inamını çoxdan itiriblər"
"Ermənistan və onun silahlı qüvvələri yenə də özlərinin çirkin hərəkətlərindən əl çəkmirlər. Ermənistanın yenə də Tovuzun Əlibəyli kəndi istiqamətində atəşkəsi pozması, kənd sakinlərinin evlərini atəşə tutması nəticəsində kənd sakinləri gərgin və narahat bir gün yaşayıb. Bu gün bir neçə dəfə kəndin rəsmi nümayəndələri ilə telefonla danışdıq . Bir az əvvəl də yenə icra nümayəndəsi Valeh müəllimlə danışdıq. Bir az sakitlik yaranıb və çox şükr ki, mülkü insanlarımızdan xəsarət alan olmayıb amma evlərə yenə də hər zamankı kimi zərər vurublar".
ANS PRESS-in məlumatına görə, bunu Milli Məclisin deputatı Qənirə Paşayeva ötən gecə Tovuzun Əlibəyli kəndinin atəşə tutulması ilə bağlı yazıb.
O, qeyd edib ki, sivil insanların evlərini atəşə tutmaq və onlara zərər vurmaq Ermənistanın və onun silahlı qüvvələrinin xislətidir:
"ATƏT, BMT və digər beynəlxalq təşkilatların bu məsələlərə laqeyid münasibətini Milli Məclisin son toplantısında ciddi tənqid etdim. Yenə də onlardan baş verən hadisələrlə bağlı hansısa ciddi mövqe gözləmirik təssüf ki... İnsanların onların ədalətli mövqeyinə inamını çoxdan itiriblər. Tovuz istiqamətində Silahlı Qüvvələrimiz hər zaman olduğu kimi mülkü insanlarımızın ciddi zərər almaması üçün düşmənə layili cavab veriblər amma görünən odur ki, mülkü insanları incitməkdən zövq almaq kimi insanlıqdan kənar əməllərdən çox təssüf ki Ermənistan bundan sonra da əl çəkmək niyyətində deyil. İnşallah yenidən Tovuza gedəcəm və insanlarımızla bir araya gəlib görüşəcəyik. Allah kənd sakinlərimizi və ön cəbhəmizi qoruyan əsgər və hərbiçilərimizi qorusun! Onlar üçün dualarınızı əksik etməyin!"
Digərxəbərlər
Populyar xəbərlər
