“VKontakte” pulköçürmə xidməti yaradır

"VKontakte" sosial şəbəkəsi bu ilin sonuna qədər pul köçürmələri üzrə yeni funksiyanı istifadəyə verəcək

İKT.lent.az-ın "İzvestiya" qəzetinə istinadən yaydığı xəbərə görə, funksiyadan həm veb, həm də mobil versiyada istifadə etmək, köçürmələri isə istənilən bank kartı vasitəsilə yerinə yetirmək mümkün olacaq.

Köçürməni reallaşdırmaq üçün alıcı tərəfin kartının nömrəsini bilmək vacib deyil, pulu sosial şəbəkədəki konkret istifadəçinin adına göndərmək kifayətdir. Xidmətin bunun üçün nə qədər komissiya alacağı məlum deyil.

Sosial şəbəkənin daxili statistikasına əsasən pulköçürmə əməliyyatlarını apararkən istifadəçilərin 41%-i bank kartından, 22,5%-i SMS-dən, 19%-i elektron ödəmə sistemindən, 17,5%-i isə ödəniş terminallarından istifadə edir.

Xatırladaq ki, bu ilin fevralında "Odnoklassniki" sosial şəbəkəsi "VTB 24" bankı ilə birlikdə öz istifadəçiləri üçün pulköçürmə xidməti istifadəyə verib.

"Android" cihazlara gəldikdə isə, onların arasında ən etibarsızı "LeTV 1 S" (10 faiz) olub. Buna baxmayaraq, əsasən nasazlıqlar toplu olaraq "Samsung" (26%) modellərində müşahidə edilir.

pia.az